15:10, 30 - تامىز 2018 | GMT +5
شىعىس قازاقستان وبلىسىندا جۇمىرتقا كولەمىندەي بۇرشاق جاۋدى
زىريان. قازاقپارات - شىعىس قازاقستان وبلىسىنىڭ زىريان اۋدانىندا بودەنە جۇمىرتقاسىنىڭ كولەمىندە بۇرشاق جاۋدى، دەپ حابارلايدى قازاقپارات YK-news.kzسايتىنا سىلتەمە جاساپ.
29 - تامىز كۇنى زۋبوۆسك كەنتىندە تابيعات توسىن مىنەز تانىتتى. تۇرعىنداردىڭ ايتۋىنشا، از عانا ۋاقىتقا جالعاسقان جاڭبىردان كەيىن ەلدى مەكەنگە ءىرى كولەمدە بۇرشاق جاۋدى.
اۋىل تۇرعىندارى مۇنداي جاۋىن- شاشىندى كورمەگەلى ءبىراز بولعان. بۇرشاق باۋ- باقشانى تۇگەلىمەن زاقىمدادى.
«ماشينانى گاراجعا ارەڭ تىعىپ ۇلگەردىم. جاڭبىر مەن بۇرشاق باستالىپ كەتتى»، - دەيدى اۋىل تۇرعىنى.
ەسكە سالايىق، «قازگيدرومەت» اۋا رايىنا بايلانىستى شىعىس قازاقستان وبلىسىندا ەسكەرتۋ جاريالاعان بولاتىن.
