پاۆلودار وبلىسىنىڭ مەكتەپتەرىندە ءبىر مەزگىلدە مەملەكەتتىك تۋ كوتەرىلەدى
ءبىلىم بەرۋ ءبولىمى باسشىسىنىڭ ورىنباسارى ليۋدميلا كازانتسيەۆانىڭ ايتۋىنشا، پاۆلودار وبلىسىنىڭ مەكتەپتەرىندە العاشقى رەت ءبىر ۋاقىتتا مەملەكەتتىك تۋ كوتەرىلەدى. ءبىلىم بەرۋ مەكەمەلەرىندە سالتاناتتى جيىندار 1 - قىركۇيەك كۇنى ساعات 10.00-دە باستالادى.
«العاش رەت پاۆلودارلىق مەكتەپتەردە فلاگشتوكتار ورناتىلدى. ءبىلىم كۇنى تۋدى كوتەرۋ مارتەبەسى مەكتەپتەردىڭ ۇزدىك وقۋشىلارىنا بەرىلەدى. ولاردىڭ اراسىندا حالىقارالىق، رەسپۋبليكالىق جانە وبلىستىق وليمپيادالاردىڭ جەڭىمپازدارى مەن مەكتەپ بەلسەندىلەرى بار. فلاگشتوكتىڭ بيىكتىگى 3,5-4 مەتر»، - دەدى ليۋدميلا كازانسيەۆا.
ايتا كەتۋ كەرەك، بيىل مەكتەپ تابالدىرىعىن العاش 5122 وقۋشى اتتايدى. ال 11- سىنىپتى مىڭنان اسا تۇلەك ءتامامدايدى. پاۆلودار قالاسىندا 5579 ۇستاز ەڭبەك ەتەدى. ولاردىڭ 2851- ءى مەكتەپتەردە، 2275- ءى مەكتەپكە دەيىنگى ءبىلىم بەرۋ مەكەمەلەرىندە، 453- ءى مەكتەپتەن تىس مەكەمەلەردە جۇمىس ىستەيدى. بيىل سىنىپ ساعاتتارى «مەن ءوز ەلىمنىڭ پاتريوتىمىن» تاقىرىبىندا ءوتىپ، وعان مەكتەپتىڭ تابىستى تۇلەكتەرى قاتىساتىن بولادى.
جالپى ەرتىس وڭىرىندە 362 مەكتەپ بار.
