سەمەيلىك ولكەتانۋشىلار مىڭجىلدىق قۇپيانى اشۋعا دايىن

استانا. قازاقپارات - سەمەيلىك ولكەتانۋشىلار تاعى ءبىر سەنساتسيانى جاريا قىلدى. شاھار ماڭىنان تابىلعان ادام سۇيەگى مەن وعان تيەسىلى زاتتار بىرنەشە مىڭجىلدىق قۇپيانى بۇگىپ جاتۋى مۇمكىن.

«مۇقىر اڭشىسى» دەپ ات قويىلعان بۇل جادىگەر ەرتە قولا داۋىرىنە جاتۋى مۇمكىن. قۇندى زاتتاردى «پرييرتىشە» ولكەتانۋشىلار قوعامىنىڭ مۇشەلەرى مامىر ايىنىڭ سوڭىندا مۇقىر وزەنىنىڭ بويىنان تاپقان. بولجام بويىنشا اڭشى كوكتەم ايلارى كەزىندە جاردان قۇلاپ مەرت بولعان. ادام سۇيەكتەرىمەن قوسا جىلقىنىڭ دا قاڭقالارى تابىلعان. ازىرگە سۇيەك جاتقان جەر ۋاقىتشا كەلەسى جىلعا دەيىن قايتا كومىلدى.

 امانتاي يسين، تاريح عىلىمدارىنىڭ كانديداتى:

 - بۇل ادام، ول عۇن- سارمات، تۇركى زامانىنىكى دە نەمەسە موڭعولدان كەيىنگى زاماندىكى دە بولۋى مۇمكىن. ونى انىقتاۋ الداعى زەرتتەۋلەردىڭ جۇمىسى. «مۇقىر اڭشىسى» دەگەن اتاۋدى قابىلداپ تۇرمىز. ويتكەنى عىلىمدا سولاي، ءبىر ات بەرىلگەنى جاقسى. ويتكەنى ەسكەرتكىشتەر وتە كوپ، قايسىسىن كىسىلەر جاتتاپ جاتادى. 10-شى، 20 -دەگەن سياقتى. ودان دا وسىلاي ناقتى بولعانى دۇرىس. قايتكەنمەن دە بۇل تابىلمالاردىڭ ءبىزدىڭ ولكەمىزدىڭ تاريحىنا قاتىسى زور.

www.24.kz