18:32, 29 - تامىز 2018 | GMT +5
مينيستر مەكتەپتە حيدجاب كيۋگە قاتىستى پىكىر ءبىلدىردى
استانا. قازاقپارات - ق ر ءبىلىم جانە عىلىم ءمينيسترى ەرلان ساعاديەۆ مەكتەپتە حيدجاب كيۋگە قاتىستى ۆەدومستۆونىڭ ۇستانىمىن ەسكە سالدى دەپ حابارلايدى قازاقپارات.
«حيدجابقا توقتالساق، وعان مەكتەپتەردە تىيىم سالىنعان. ءبىزدىڭ پوزيتسيا وزگەرگەن جوق. مەكتەپ باعدارلاماسى بارلىعىنا بىردەي ەكەنىن بىلەسىزدەر. سوندىقتان مەكتەپتەردە كەز كەلگەن وقىتۋ ءۇردىسى ءبىز قابىلداعان باعدارلامالار بويىنشا مەملەكەتتىك جالپى ءبىلىم بەرۋ ستاندارتتارى اياسىندا جۇرگىزىلەدى. ياعني، وسى تالاپ بارشاماسىنا قاتىستى. وسى تۇرعىدا ءبىزدىڭ ۇستانىم وزگەرمەگەندىكتەن، قوعام بۇعان تۇسىنىستىكپەن قارايدى دەپ ۇمىتتەنەمىز»، - دەدى ەرلان ساعاديەۆ ورتالىق كوممۋنيكاتسيالار قىزمەتىندە وتكەن جيىندا.
ەستەرىڭىزگە سالا كەتەيىك، ءبىراز جىل بۇرىن ءبىلىم مينيسترلىگى مەكتەپكە حيدجابپەن كەلەتىن وقۋشىلارعا قاتىستى رەسمي ۇستانىمىن بىلدىرگەن بولاتىن.
فوتو: avdet.org
اۆتور: رۋسلان عابباسوۆ
