ازيادادا قازاقستاندىق جەتى بوكسشىنىڭ ۇشەۋى عانا جارىس جولىندا قالدى

استانا. قازاقپارات - جاكارتادا ءوتىپ جاتقان ازيا ويىندارىندا مىرزاعالي ايتجانوۆ سەنىم ارتقان جەتى بوكسشىدان جارىس جولىندا ۇشەۋى عانا قالدى، دەپ حابارلايدى قازاقپارات ءتىلشىسى.

ق ر ۇلتتىق وليمپيادالىق كوميتەتىنىڭ باسپا ءسوز قىزمەتىنىڭ حابارلاۋىنشا، بۇگىن شيرەك فينالدا جۇدىرىقتاسقان 49 كەلىدەگى تەمىرتاس ءجۇسىپوۆ فيليپپيندىك قارسىلاسىنا ەسە جىبەرىپ، جارىستى جۇلدەسىز اياقتادى. ول قارسىلاسى پاالام كارلومەن كەزدەسىپ، 1:4 ەسەبىمەن جەڭىلىس تاپتى.

ايتا كەتەيىك، وسىعان دەيىن قۇراما كوشباسشىلارىنىڭ ءبىرى 56 كەلىدە سىنعا تۇسكەن قايرات ەراليەۆ، 52 كەلى سالماقتاعى بوكسشىمىز ازات ماحمەتوۆ جانە 60 كەلىگە دەيىنگى سالماقتا سىنعا تۇسكەن ءساماتالى تولتايەۆ قارسىلاستارىنا جول بەرىپ، جارىستى ەرتە اياقتاعان بولاتىن.

ال، جارىستى ارى قاراي جالعاستىراتىن ءۇش بوكسشىمىزدىڭ ءبىرى - 69 كەلى سالماق دارەجەسىندە سىنعا ءتۇسىپ جاتقان اسلانبەك شىمبەرگەنوۆ. ول كەشە قازاقستاندىق بوكسشىلار اراسىنان ءبىرىنشى بولىپ جارتىلاي فينالعا شىققان بولاتىن. ەكىنشى بوكسشىمىز - 64 كەلى سالماقتاعى بەكداۋلەت يبراگيموۆ. ول بۇگىن شيرەك فينالدا تايلاندتىق ماسۋك ۆيتتيچايمەن جۇدىرىقتاسادى. ءۇشىنشى بوكسشىمىز - 75 كەلى سالماقتاعى ءابىلحان امانقۇل. ازيادا ويىندارىنىڭ اشىلۋ سالتاناتىندا قازاقستان تۋىن كوتەرىپ شىققان بوكسشىمىز بۇگىن شيرەك فينالدا تايپەيلىك كان چياۆەيممەن قولعاپ تۇيىستىرەدى.

اۆتور: كۇنسۇلتان وتارباي