قازاقستاندا كومىر تاسىمالى بويىنشا شتاب قۇرىلدى
«2018-جىلدىڭ سوڭىنا دەيىن 106,5 ميلليون توننا كومىر تاسىمالداۋ جوسپارلانۋدا، سونىڭ ىشىندە تۇتىنۋشىلار ءۇشىن - 71,9 ميلليون توننا، بۇل 2017-جىلداعى تاسىمال كولەمىنەن %3,5 عا جوعارى. «ق ت ج» ۇ ك» ا ق- دا اتالىپ وتىرعان جۇك كولەمىن تاسىمالداۋعا جىلجىمالى قۇرام سانى قاجەتتى دەڭگەيدە جەتكىلىكتى. ءار ءتۇرلى جەكە مەنشىك يەلەرىنەن 54 مىڭعا جۋىق اشىق ۆاگون جۇمىلدىرىلدى. كوممۋنالدىق- تۇرمىستىق كومىر تاسىمالى ءۇشىن 9 مىڭعا جۋىق اشىق ۆاگون قولدانىلۋدا»، - دەلىنگەن كومپانيا حابارلاماسىندا.
سونداي-اق، اتالعان كومپانيا باستاماسىمەن كومىر تاسىمالى كولەمىن جىل بويىنا بىركەلكى ءبولۋ جانە كۇزگى- قىسقى كەزەڭدەگى جۇكتەمەنى ازايتۋ ماقساتىندا كومىر وندىرۋشىلەردىڭ قاتىسۋىمەن وبلىس اكىمدىكتەرىندە وتىرىستار وتكىزىلدى. وبلىس اكىمدىكتەرى مەن كومىر وندىرۋشىلەر كومىر تاسىمالى كولەمىن قايتا ءبولۋ بويىنشا مىندەتتەمەلەر الدى. سونىڭ ناتيجەسىندە كوممۋنالدىق- تۇرمىستىق كومىر تاسىمالىنىڭ كولەمى %31 عا ارتتى. سونىمەن قاتار، كومىر جۇگىن جونەلتۋشىلەرمەن دە وتىرىستار وتكىزىلۋدە.
«كومپانيادا كومىر تاسىمالى بويىنشا شتاب قۇرىلىپ، جۇك جونەلتۋشىلەر ءوتىنىمىن قاناعاتتاندىرۋ، سونىمەن قاتار ۆاگوندار اينالىمىن ورىنداۋ بويىنشا تاۋلىكتىك باقىلاۋ قويىلدى. تەتس جانە گرەس قويمالارىنداعى قاتتى وتىن قورى قالدىقتارىنا، سونداي- اق حالىقتا كومىردىڭ بار- جوقتىعىنا تاۋلىكتىك مونيتورينگ جۇرگىزىلۋدە»، - دەلىنگەن حابارلامادا.
