مىڭ دوللارعا باعالانعان ەڭبەك

 استانا. قازاقپارات - بىردە ءبىر كىسى جاڭادان كەمە ساتىپ الادى. ءبىراق، وكىنىشكە وراي، ول اياق استىنان ىستەن شىعىپ، جۇرمەي قويادى.

 كەمەنى جوندەۋگە ءتۇرلى قۇرال- سايمانىن الىپ مەحانيكتەر مەن ينجەنەرلەر جەتەدى، ءبىراق ەشقايسىسى ءتىلىن تابا الماي قويادى.

 -  ءبىز قولىمىزدان كەلگەننىڭ ءبارىن ىستەدىك. امال جوق. شەبەردى شاقىرۋ كەرەك، -  دەيدى ماماندار.

-  وندا نە تۇرىس؟ تەز شاقىرىڭدار، -  دەيدى ول.

كوپ كەشىكپەي اسا سابىرلى قالىپتا شەبەر دە كەلەدى. قولىندا جالعىز بالعاسى عانا بار. كەمەنىڭ ماشينا بولىگىنە جاقىنداپ، قوزعالتقىش تۇراتىن جانە جۇك قوياتىن استىڭعى بولىمىنە تۇسەدى دە، پالۋبانى شارلايدى. ءبىر كەزدە دەرەۋ توقتاپ، بالعامەن سارت ەتكىزىپ قاتتى ۇرادى. كەنەت، عايىپتان تايىپ كەمە ىسكە قوسىلادى.

-  قىزمەتىڭىزگە قانشا سۇرايسىز؟ -  دەيدى كەمە يەسى.

 -  مىڭ ءبىر دوللار، -  دەپ جاۋاپ بەرەدى شەبەر.

-  قالايشا؟ -  دەپ تاڭعالادى قوجايىن، -  ون مينۋتتىق جۇمىس.

بالعامەن ءبىر ۇرعانىڭىز مىڭ ءبىر دوللار تۇرا ما؟ -  ون مينۋت پەن جالعىز سوققى ءبىر دوللار تۇرادى.

 ال قاي جەرىنەن ۇرۋدى ءبىلۋ مىڭ دوللارعا باعالانادى، -  دەيدى سوندا شەبەر. 

Massaget.kz