كوكپار تۋرالى العاشقى فيلمنىڭ ترەيلەرى شىقتى

 استانا. قازاقپارات - جەلىدە «كوكپار. مىقتىلار زامانى» كوركەم فيلمىنىڭ ترەيلەرى جاريالاندى، دەپ حابارلايدى قازاقپارات.

ورتالىق ازيا حالىقتارىنىڭ ۇلتتىق ويىنىن كورسەتەتىن سپورتتىق دراما/ەكشن جانرىنداعى بۇل جوبانى «سالام، New York» ، «انامدى ىزدەپ» فيلمدەرىمەن تانىلعان قىرعىزستاندىق رەجيسسەر رۋسلان اكۋن تاسپالاعان.

 كينوكارتينا تالانتتى كوكپار ويىنشىسى، تاداي دودادا توپ جارعان «جالىن» كومانداسىنىڭ كاپيتانى ماقسات تۋرالى باياندايدى. وتە ماڭىزدى ويىندا جەڭىلىپ قالعان سوڭ، «جالىن» باسشىسى كوكپارعا جارالى اتپەن شىعۋدان باس تارتقان ماقساتتى توپتان شىعارادى. تۋعان جەرىنە ورالعان ماقسات اۋىلداستارىنان جاڭا كوماندا قۇرىپ، جەڭىسكە ۇمتىلادى.

فيلمدەگى باستى رولدەردى قازاقستاندىق اكتەرلەر - اسىلحان تولەپوۆ پەن گۇلناز جولانوۆا سومداعان. ات ۇستىندەگى كاسكادەرلىك تريۋكتەردى تانىمال Nomad كاسكادەرلىك توبى ورىنداعان.

20 - قىركۇيەك كۇنى فيلم ەل كينوتەاترلارىندا كورەرمەن نازارىنا ۇسىنىلادى.