مايرا مۇحامەد قىزى استانانى انگە قوسادى
كەشتە ايگىلى وپەرا ءانشىسى، تەاتردىڭ جەتەكشى سوليسى، قازاقستاننىڭ ەڭبەك سىڭىرگەن قايراتكەرى، ق ر مەملەكەتتىك سىيلىعىنىڭ لاۋرەاتى مايرا مۇحامەد قىزى ونەر كورسەتەدى، دەپ حابارلايدى ەلوردا اكىمدىگىنىڭ رەسمي سايتى.
مۋزىكالىق شارا اياسىندا ساحناعا: «استانا وپەرا» جەتەكشى سوليسى، ارمەنيانىڭ حالىق ءارتىسى بارسەگ تۋمانيان (باس)، شاقىرىلعان تەنورلار مۇرات قاراحان (تۇركيا) جانە رودريگو پورراس گارۋلو (گەرمانيا) شىعادى.
كونسەرتكە «استانا وپەرانىڭ» سيمفونيالىق وركەسترى مەن حورى دا قاتىسادى، دەپ كۇتىلۋدە. ديريجەرلىك تۇعىردا - ايگىلى ماەسترو فرانچەسكو يۆان چامپا (يتاليا) مەن باس حورمەيستەر - قازاقستاننىڭ ەڭبەك سىڭىرگەن قايراتكەرى ەرجان ءداۋىتوۆ. ەلوردا تۇرعىندارى مەن قوناقتارى حالىقتىڭ سۇيىكتى اندەرىن، وتاندىق جانە شەتەلدىك وپەرا كلاسسيكاسىنىڭ جاۋھارلارىن ورىندايتىن بولادى.
باعدارلاما بارىسىندا دج. ۆەرديدىڭ، دج. پۋچچينيدىڭ، ج. ماسسنەنىڭ، ح. حيمەنەستىڭ، ف. باربەريدىڭ، ي. كالماننىڭ، ف. لەگاردىڭ، د. شوستاكوۆيچتىڭ، ي. دۋنايەۆسكيدىڭ، ن. جيگانوۆتىڭ تۋىندىلارىنان اريالار، دۋەتتەر، تريو جانە وپەرالار مەن وپەرەتتالاردان ساحنالىق كورىنىستەر شىرقالادى.
مايرا مۇحامەد قىزى - پاريج ۇلتتىق وپەراسى، لوتارينگيا ۇلتتىق وپەراسى (نانسي ق.)، كان تەاترى، رەننا وپەرا تەاترى، بوردو تەاترى، ۆاشينگتون ۇلتتىق وپەراسى جانە ت. ب. الەمنىڭ ەڭ ۇزدىك تەاترلارىنداعى وپەرا كلاسسيكاسىنىڭ جاۋھار تۋىندىلارىنداعى باستى پارتيالاردى ورىنداۋشى. ول لوندوندىق كادوگان- حوللدا، بەرليندىك كونتسەرتحاۋستە، ۆەناداعى حوفبۋرگ سارايىندا، پاريجدەگى يۋنەسكو زالىندا، پەكيندىك «جون شان لي تان» زالىندا جانە ت. ب. ەۋروپا مەن ازيانىڭ، امەريكانىڭ بەدەلدى زالدارىندا جەكە كونسەرتتەرىمەن ۇنەمى ونەر كورسەتەدى. ساحناداعى سەرىكتەستەرىنىڭ قاتارىندا ميرەللا فرەني، روبەرتو الانيا، مارسەلو الۆارەس، سەرگەي لەيفەركۋس، كريستينا گاياردو- دومەس، ستيۆەن كوستەللو، بيۋلەنت بەزدۋز سياقتى كوپتەگەن وپەرا جۇلدىزدارى بار. كەش ساعات 18:00-دە باستالادى.
www.24.kz
