مينيستر قازاقستانداعى ەڭ جوعارى زەينەتاقى مولشەرىن اتادى

استانا. قازاقپارات -   ۇكىمەت ۇيىندە وتكەن باسپا ءسوز ماسليحاتىندا ق ر ەڭبەك جانە حالىقتى الەۋمەتتىك قورعاۋ ءمينيسترى مادينا ءابىلقاسىموۆا قازاقستانداعى ورتاشا، ەڭ تومەنگى جانە ەڭ جوعارعى زەينەتاقى مولشەرىن اتادى.

«قازىرگى ۋاقىتتا ورتاشا زەينەتاقى مولشەرى جيناقتاۋشى زەينەتاقى بولىگىن قوسقاندا 100 مىڭ تەڭگەنى قۇرايدى. ءبىز ءبىرىنشى شىلدەدەن باستاپ بازالىق زەينەتاقىنى كوتەردىك. سول سەبەپتەن زەينەتاقى كولەمى بىلتىرعى جىلمەن سالىستىرعاندا شامامەن 23 پايىزعا ءوستى. بىلتىر ول 66 مىڭ تەڭگەنى قۇراسا، قازىر 81 مىڭ تەڭگەنى قۇرايدى. ال بۇعان جيناقتاۋشى زەينەتاقى بولىگىن قوسساق، ورتاشا زەينەتاقى مولشەرى شامامەن 100 مىڭ تەڭگەنى قۇرايدى»، - دەدى مادينا ءابىلقاسىموۆا.

ءمينيستردىڭ ايتۋىنشا، قازىرگى تاڭدا ەڭ تومەنگى زەينەتاقى كولەمى 49 مىڭ تەڭگەنى قۇراسا، ەڭ جوعارعى زەينەتاقى مولشەرى شامامەن 111 مىڭ تەڭگەنى قۇرايدى.

 اقپارات كوزى: Baq.kz