ەۋروپانىڭ ەڭ ارزان جانە ەڭ قىمبات قالالارىنىڭ رەيتينگى جاسالدى
ريا نوۆوستي حابارلاعانداي، زەرتتەۋگە تۋريستەر ءۇشىن قاجەتتى ون تاۋار مەن قىزمەت تۇرلەرىنىڭ قۇنى الىنعان. ساراپشىلار ساياحاتشىلاردىڭ ءۇش جۇلدىزدى قوناقۇيدە ەكى كۇن تۇنەۋگە، ترانسفەرگە، تۋريستىك جولاقىعا، ءۇش رەت تاماقتانۋعا جانە قالانىڭ باستى كورىكتى جەرلەرىنە، مۋزەي جانە كوركەم گالەرەياعا بيلەت ساتىپ الۋعا كەتەتىن شىعىندارىن ەسەپتەپ شىعاردى. سونداي-اق، سىرا، شاراپ، كوفە جانە گازدى سۋدىڭ باعاسى ەسكەرىلدى.
ەۋروپانىڭ ەڭ قىمبات قالالارى ءتىزىمىنىڭ كوش باسىندا ۆەنەتسيا تۇر، مۇندا تۋريستىك تۇتىنۋ كورزيناسى شامامەن 500 ەۋرونى قۇرايدى. ەكىنشى ورىندا ەۋروپا جانە الەمنىڭ تۋريستىك استانالارى رەيتينگىندە ۇنەمى كوش باسىندا تۇراتىن پاريج قالاسى، ءۇشىنشى ورىندا بارسەلونا تۇر.
ەڭ ارزان قالالاردىڭ تىزىمىندە ءبىرىنشى ورىندا سەربيا استاناسى بەلگراد تۇر، ودان كەيىنگى ورىنداردى رۋمىنيانىڭ بۋحارەست قالاسى مەن پورتۋگاليانىڭ پورتۋ قالاسى يەلەنەدى.
