ەلباسى: كونستيتۋتسيا الەۋەتى قازاقستاننىڭ دامۋىنا ۇزاق جىلدار قىزمەت ەتەتىنىنە سەنەمىن
ق ر مەملەكەتتىك حاتشىسى گۇلشارا ءابدىقالىقوۆا كونفەرەنسيا قاتىسۋشىلارىنا ارنالعان ەلباسى نۇرسۇلتان نازاربايەۆتىڭ قۇتتىقتاۋ ءسوزىن وقىپ بەردى.
«داستۇرگە اينالعان قازاقستان رەسپۋبليكاسىنىڭ كونستيتۋتسياسى كۇنىنە ارنالعان حالىقارالىق كونفەرەنسياعا قاتىسىپ وتىرعان سىزدەرگە سالەمىمدى جولدايمىن. كونفەرەنسيانىڭ وزەكتى كۇن ءتارتىبى زاماناۋي دەموكراتيالىق، قۇقىقتىق، الەۋمەتتىك جانە زايىرلى مەملەكەتتىڭ نەگىزىن قۇرۋدى قامتاماسىز ەتكەن كونستيتۋتسيالىق پرينتسيپ پەن نورمالاردىڭ ەرەكشە ماڭىزىن اتاپ وتەدى»، - دەدى مەملەكەت باسشىسى.
وسى ورايدا پرەزيدەنت 1995-جىلى بۇكىلحالىقتىق رەفەرەندۋمدا قابىلدانعان ق ر كونستيتۋتسياسى قازاقستاندىق مەملەكەتتىلىك دامۋىنىڭ، ادام قۇقىقتارى مەن بوستاندىقتارىنىڭ مۇلتىكسىز ساقتالۋىنىڭ بەرىك ىرگەتاسىن قالاعانىن اتاپ ءوتتى.
«تاۋەلسىزدىك جىلدارىندا قالىپتاسقان، حالىقارالىق قوعامداستىقتا مويىندالعان قازاقستاندىق قوعام دامۋىنىڭ بىرەگەي مودەلى قوعامدىق كەلىسىم مەن تۇراقتىلىق، ەكونوميكالىق دامۋ جانە قازاقستان حالقىنىڭ ورتاق تاريحي تاعدىرى تۋرالى كونستيتۋتسيالىق ەرەجەلەردىڭ مۇلتىكسىز ساقتالۋىنىڭ ارقاسىندا مۇمكىن بولدى. بۇگىنگى تاڭدا ەلىمىزدە پارلامەنتتىڭ، ۇكىمەتتىڭ جانە جەرگىلىكتى وكىلدى ورگانداردىڭ وكىلەتتىلىگىن ەداۋىر كەڭەيتۋگە مۇمكىندىك بەرگەن كونستيتۋتسيالىق رەفورما ءساتتى جۇزەگە اسىرىلدى. حالىقتىڭ قۇقىقتىق مادەنيەت دەڭگەيىن كوتەرۋ، كونستيتۋتسيامەن قابىلدانعان زاڭدارعا جوعارى قۇرمەت دارەجەسىن قامتاماسىز ەتۋ وزەكتى ماسەلە. قۇقىقتىق ۇستەمدىك ەتۋ، كونستيتۋتسيانىڭ جوعارى تۇرۋى، زاڭنىڭ بيلىگى - بۇل بۇگىنگى تاڭدا قازاقستاننىڭ ءساتتى دامۋىنىڭ جانە ونىڭ زاماناۋي جاھاندا لايىقتى ورىنعا يە بولۋىنىڭ اسا ماڭىزدى ماسەلەسى. قولدانىستاعى كونستيتۋتسيانىڭ الەۋەتى قازاقستاننىڭ ودان ءارى دامۋىنا جانە الەمنىڭ بارىنشا دامىعان وتىز ەلىنىڭ قاتارىنا كىرۋىنە ۇزاق جىلدار قىزمەت ەتەتىنىنە كامىل سەنەمىن. سىزدەردى قازاقستان رەسپۋبليكاسىنىڭ كونستيتۋتسيا كۇنىمەن قۇتتىقتايمىن!»، - دەدى ەلباسى.
بۇل شارا ق ر كونستيتۋتسيالىق كەڭەسى، ق ر تۇڭعىش پرەزيدەنتى-ەلباسىنىڭ قورىمەن، ەۋروپا كەڭەسىنىڭ قۇقىق ارقىلى دەموكراتيا ءۇشىن ەۋروپالىق كوميسسيامەن، استاناداعى ە ق ى ۇ باعدارلاماسىنىڭ كەڭسەسىمەن، سونداي-اق ەلورداداعى جەتەكشى ۋنيۆەرسيتەتتەرمەن بىرلەسىپ وتكىزىلدى.
ايتا كەتەيىك، جيىنعا مەملەكەتتىك قۇرىلىمداردىڭ باسشىلارى، بەدەلدى حالىقارالىق ۇيىمداردىڭ وكىلدەرى، كونستيتۋتسيالىق باقىلاۋ ورگاندارى، 20 دان استام حالىقارالىق بەلگىلى عالىمدار مەن قۇقىقتانۋشىلار قاتىسۋدا.
اۆتور: رۋسلان عابباسوۆ
