ساعىنتايەۆ ەكونوميكانى جاڭعىرتۋ جونىندەگى كوميسسيا وتىرىسىن وتكىزدى

استانا. قازاقپارات - كەشە ۇكىمەت ۇيىندە ق ر پرەمەر-ءمينيسترى باقىتجان ساعىنتايەۆتىڭ توراعالىعىمەن ق ر ەكونوميكاسىن جاڭعىرتۋ جونىندەگى مەملەكەتتىك كوميسسيانىڭ وتىرىسى ءوتتى.

بۇل تۋرالى primeminister.kz حابارلايدى.

وتىرىس بارىسىندا 2016-2020-جىلدارعا ارنالعان جەكەشەلەندىرۋ باعدارلاماسىن ىسكە اسىرۋ ماسەلەلەرى، سونداي-اق، وڭدەۋ ونەركاسىبى سالاسىنداعى كاسىپكەرلىك سۋبەكتىلەرىن دامىتۋ ماسەلەلەرى تالقىلاندى. اتاپ ايتقاندا، جۇمىس توپتارىنىڭ كۆازيمەملەكەتتىك سەكتور وبەكتىلەرىن وتكىزۋ جانە ساتۋ الدىنداعى دايىندىق ادىستەرى مەن تاسىلدەرى تۋرالى ۇسىنىستارى قارالدى.

بۇدان وزگە، مەملەكەتتىك كوميسسيا پرەزيدەنتتىڭ بەس الەۋمەتتىك باستاماسى اياسىندا ىسكە اسىرىلىپ جاتقان «سارىارقا» ماگيسترالدى گاز قۇبىرىنىڭ قۇرىلىسى» ينۆەستيتسيالىق جوباسىن جانە «ۇلتتىق يندۋستريالىق مۇناي-حيميا تەحنوپاركى» ارنايى ەكونوميكالىق ايماعىنىڭ ينفراقۇرىلىم نىساندارىنىڭ قۇرىلىسى جوباسىن ودان ءارى قارجىلاندىرۋ جونىندەگى تاسىلدەردى ماقۇلدادى.