شەتەلدە تۇراتىن قازاقستاندىق سۋرەتشىلەر استاناعا كەلەدى

استانا. قازاقپارات - استانانىڭ سول جاعالاۋداعى بولىگى ءبىر ايعا قازىرگى زامانعى ونەر ورتالىعىنىڭ وشاعىنا اينالادى.

15 -قىركۇيەك كۇنى مۇندا Astana Art Show اتتى كورمە باستالادى.

بۇل تۋرالى قازاقپارات شارا ۇيىمداستىرۋشىلارىنا سىلتەمە جاساپ حابارلايدى.

Astana Art Show قازىرگى قازاقستاننىڭ بەينەلەۋ ونەرى حالىقارالىق بيەننالەسىنىڭ نەگىزگى شاراسى بولىپ تابىلادى. وعان ءوزىن ءساتتى جۇزەگە اسىرعان جانە شەتەلدە ايگىلى بولعان قازاقستاندىق جاس سۋرەتشىلەر قاتىسادى. سونىمەن قاتار، بيەننالە اياسىندا استانانىڭ جاس سۋرەتشىلەرى بايقاۋى، تانىمال سۋرەتشىلەردىڭ اشىق دارىستەرى مەن شەبەرلىك ساباقتارى وتەدى.

20-دان استام سۋرەتشى حالىقارالىق ءىرى كورمەلەرگە قاتىسقان، سونداي-اق شوۋعا ارنايى قۇرىلعان جۇمىستارىن ۇسىنادى. سۋرەتتەر مەن ينستاللياتسيالاردى كەلۋشىلەر TSE Art Destination گالەرەياسىندا جانە ونىڭ اينالاسىندا تاماشالاي الادى.

كورمە قاتىسۋشىلار اراسىندا تانىمال زامانۋي ونەر شەبەرى - جاپوندىق فوتوگراف يكۋرۋ كۋۆادجيما، «مەن وبلوموۆ» تانىمال اۆتوپورترەت سەرياسىنىڭ اۆتورى. سونداي-اق، لوندوندا بەلگىلى بولعان ازا شادەنوۆا ءوز جۇمىسىن ەلوردا كوركەمونەر اۋەسقويلارىنىڭ نازارىنا ۇسىناتىن بولادى. جاس سۋرەتشى ءادىل اۋبەكەروۆ استانا تۇرعىندارىنا جانە قوناقتارىنا عيماراتتاردىڭ ءبىرىنىڭ قاسبەتىندەگى جاڭا كوركەم نىسانمەن قۋانتاتىن بولادى.

«ءىس- شارالاردىڭ ءبىرىنشى تاقىرىبى - «Metamorphosis». ءبىز بۇگىن، بەينەلەپ ايتقاندا وزىندىك تاريحتى اسقاقتاتۋدامىز، سوندىقتان ءبىزدىڭ الدىمىزدا ۇلكەن ساۋالدار تۋىنداۋدا. ولاردىڭ اراسىندا - ادامعا ەكى سوعىستان كەيىن نە قالادى، يزمداردان كەيىن ەندى بارلىعى شامامەن ايتىلعاننان كەيىن، تەوريالار تەوريا بولىپ قالدى، ال وزگەرىستەر ءالى دە جوق. ادامعا جەكە، قوعامدىق، توپتىق مەتامورفوزالارعا وقيعا كوكجيەگىنەن ءارى شىعۋ عانا قالادى - اينالىپ كەلگەندە، ءبىزدىڭ جاۋابىمىز وسى جانە بۇل جاۋاپتى مۇندا كەلۋشىلەرگە وسى كورمەنىڭ اياسىندا تالقىلاۋعا شاقىرامىز»، - دەدى كورمە كۋراتورى اسەل احمەتجانوۆا.

Astana Art Show سالتاناتتى اشىلۋىندا الەمدىك دەڭگەيدەگى مۋزىكانت، ارنايى قوناق - Benjamin Skepper (مەلبۋرن، اۋستراليا) ءوزىنىڭ پەرفومانسىن ۇسىنادى. Benjamin Skepper زاماناۋي تەحنولوگيالار مەن عىلىمي يننوۆاتسيالاردى پايدالانا وتىرىپ، ەكسپەريمەنتتىك مۋزىكالىق شىعارمالاردى جاڭا كوركەم تۇرعىدا جاسايدى.

ايتا كەتەيىك، كورمە 15 -قىركۇيەك - 28 -قازان ارالىعىندا وتەدى.