اكىم مۇزتاۋ شىڭىنا شىققان الپينيستەردى كۇتىپ الدى
دەپ حابارلايدى قازاقپارات ءتىلشىسى.
ايتا كەتسەك، «قازاقستاننىڭ 20 تاۋ شىڭى» ەكسپەديتسياسىن «Kazakh Tourism» ۇ ك» ا ق استانا قالاسىنىڭ 20 جىلدىق مەرەيتويىنا ارنالعان ءىس- شارالار اياسىندا ۇيىمداستىرعان بولاتىن. دانيال احمەتوۆتىڭ ايتۋىنشا مۇزتاۋ شىڭى الپينيستەردىڭ عانا ەمەس، الەمنىڭ ءتۇرلى ءدىني اعىمدارىنىڭ وكىلدەرىنىڭ دە قىزىعۋشىلىعىنا يە. ءدال وسى مۇزتاۋ ماڭايىنا جىل سايىن تيبەت موناحتارى كەلەدى. ويتكەنى، التاي ءوڭىرى شامبالا قاقپاسى (بىرنەشە مارتە ەجەلگى ماتىندەردە، سونىڭ ىشىندە كالاچاكرا- تانتردا ەسكەرتىلگەن تيبەتتىڭ نەمەسە ازيانىڭ باسقا دا ايماقتارىنداعى اڭىز ەلى) بولىپ تابىلادى.
«التاي - الەمنىڭ بەسىگى»، - دەيدى دانيال احمەتوۆ ءوڭىردىڭ ءتۇرلى ارحەولوگيالىق ولجارالى تۋرالى ءسوز قوزعاي كەلە.
اتالمىش ەكسپەديتسيا ءۇش ءوڭىردى: الماتى، تۇركىستان، شىعىس قازاقستان وبلىستارىن، اسىرەسە، تيان- شاننىڭ باتىس جانە سولتۇستىك جاعىنىڭ باسىم بولىگىن قامتيدى. مارشرۋت ءارى قاراي كوپشىلىك تۋريزمدى دامىتۋ باعىتىندا جاياۋ، تاۋ مارشرۋتتارى جانە الپيادالارعا قىزىقتى بولاتىن نىسانداردى بارىنشا قامتۋعا تىرىسقان.
ءىس- شاراعا 100-دەن استام ادام قاتىسۋدا. ولاردىڭ قاتارىندا كاسىبي الپينيستەر، تاجىريبەلى ساياحاتشىلار، جۋرناليستەر، تانىمال ينتەرنەت- بلوگەرلەر بار. ەكسپەديتسيا اياسىندا قازىرگى بار تۋرونىمدەر تولعىراق زەرتتەلىپ، جاڭا تۋريستىك مارشرۋتتار جاسالاتىن بولادى.
كەزدەسۋ بارىسىندا الپينيستەر ەكسپەديتسيا جايلى ايتىپ، الداعى جوسپارلارىمەن ءبولىسىپ، جولدا كەزدەسكەن قيىندىقتارىن باياندادى. دانيال احمەتوۆتىڭ ءوزى دە تاۋدى جانە وسى سياقتى ەكسپەديتسيالاردى ۇناتاتىندىعىن، وسىدان ءۇش جىل بۇرىن ءوزى دە مۇزداۋدى باعىندىرماقشى بولعاندىعىن، ايتكەنمەن جۇمىس پەن ۋاقىتتىڭ ازدىعى مۇمكىندىك بەرمەگەندىگىن ايتادى.
اۆتور: ايان بەكەن ۇلى
