قازاقستان جانە قىتاي ساۋدا پالاتالارى ىنتىماقتاستىقتى نىعايتپاق
تاراپتار ۇزاق مەرزىمدى ىنتىماقتاستىقتىڭ باعىتتارى مەن پەرسپەكتيۆالارىن، قىتاي حالىق رەسپۋبليكاسى مەن قازاقستان اراسىنداعى قازىرگى ساۋدا بايلانىستارىن نىعايتۋ ماسەلەلەرىن تالقىلادى. كەزدەسۋ قورىتىندىسىندا ىنتىماقتاستىق تۋرالى كەلىسىم مەن تاجىريبە الماسۋ تۋرالى ۋاعدالاستىققا قول جەتكىزىلدى.
قىتاي حالىقارالىق ساۋدا پالاتاسى 1988 -جىلى ق ح ر مەملەكەتتىك كەڭەسىنىڭ ماقۇلداۋىمەن قۇرىلعان، ول بۇكىل قىتاي ساۋدا پالاتاسى بولىپ تابىلادى. ونىڭ قۇرامىنا قىتايدا حالىقارالىق كوممەرتسيا قىزمەتىمەن اينالىساتىن كاسىپورىندار، بىرلەستىكتەر جانە باسقا ۇيىمدار كىرەدى. قازىرگى كەزدە پالاتاعا 150-دەن استام جەكەمەنشىك جانە مەملەكەتتىك كاسىپورىندار مۇشە بولىپ وتىر.
قىتاي حالىقارالىق ساۋدا پالاتاسىنىڭ قازاقستان رەسپۋبليكاسىنداعى وكىلدىگى ۇستىمىزدەگى جىلدىڭ ناۋرىزىندا اشىلعان بولاتىن. 2005 -جىلدان 2017 -جىلعا دەيىنگى ارالىقتا قازاقستانعا ق ح ر- دان كەلگەن جالپى ينۆەستيتسيالار اعىنى 14,9 ميلليارد ا ق ش دوللارىن، كەرى باعىتتاعى ينۆەستيتسيالار 487,4 ميلليون دوللاردى قۇرادى. قازاقستاندا ق ح ر- دىڭ قاتىسۋىمەن 3 مىڭداي زاڭدى تۇلعا تىركەلگەن، سونىڭ 1200-دەن استامى قىزمەت جۇرگىزىپ كەلەدى.
2017 -جىلدىڭ قورىتىندىلارىنا وراي قازاقستاننىڭ قىتايمەن سىرتقى ساۋداسى % 32,6 ءوسىپ، 10 ميلليارد دوللاردان اسىپ جىعىلعان. قازاقستاننان 5,77 ميلليارد ا ق ش دوللارىنىڭ تاۋارلارى مەن قىزمەتتەرى ەكسپورتتالدى، بۇل 2016 -جىلمەن سالىستىرعاندا % 36,6 ارتىق.
