الەمدە ىشىمدىكتى كوپ تۇتىناتىن ەلدەر رەيتينگى جاريالاندى
ريا نوۆوستي حابارلاعانداي، زەرتتەۋشىلەر 1990 - 2016 -جىلدار ارالىعىندا 195 ەلدە جاسى 15 - 95 جانە ودان جوعارى جاس ارالىعىنداعى ەرلەر مەن ايەلدەردىڭ مالىمەتتەرىن تالداۋ ناتيجەسىندە وسىنداي قورتىندى جاساعان. زەرتتەۋ «عالامدىق اۋرۋدىڭ اۋىرتپالىعى» باعدارلاماسى شەڭبەرىندە جۇرگىزىلگەن.
دانيا تۇرعىندارىنىڭ - %95,3 ايەلدەر جانە %97,1 ەرلەر - الكوگولدىك ىشىمدىكتى تۇراقتى تۇتىناتىنى انىقتالدى.
نورۆەگيا، گەرمانيا، ارگەنتينا جانە شۆەيتساريا تۇرعىندارى دا ەش قالىسپايدى.
كۇندەلىكتى الكوگولدى تۇتىنۋ مولشەرى تۇرعىسىنان ەرلەر اراسىندا رۋمىنيا (8,2 دانا)، ايەلدەر اراسىنان ۋكراينا (4,2 دانا) كوش باستايدى.
زەرتتەۋشىلەر 1 دانا الكوگول رەتىندە 10 گرامم تازا ەتيل سپيرتىن العان، بۇل كىشكەنتاي ستاقانداعى قىزىل شاراپقا، 1 بانكا سىراعا نەمەسە وتكىر كۇشتى ىشىمدىكتەردىڭ 1 ريۋمكاسىنا تەڭ.
الكوگولدى ەڭ از تۇتىناتىن ەرلەر پاكىستاندا (%0,8)، ال ايەلدەر بانگلادەشتە (%0,3) مەكەندەيدى.
«عالامدىق اۋرۋدىڭ اۋىرتپالىعى» باعدارلاماسىنىڭ دەرەكتەرىنە سايكەس، 2016 -جىلى جەر بەتىندە شامامەن 3 ميلليون جۋىق ادام الكوگولدەن كوز جۇمعان، ونىڭ ىشىندە باسىم بولىگىن ەر كىسىلەر قۇرايدى - %63. بۇل رەتتە 2016 -جىلى الكوگولدەن كوز جۇمعانداردىڭ سانى بويىنشا لەسوتو افريكا كورولدىگى كوش باستاعان، مۇندا 100 مىڭ ادامنان 145-تەن استامى قازا تاپقان. ەكىنشى ورىندا رەسەي - 118 ادامنان استام. ۋكراينا، بەلارۋس، موڭعوليا جانە قازاقستان تيىسىنشە ءتورتىنشى، جەتىنشى، سەگىزىنشى جانە ونىنشى ورىنداردى يەلەنەدى.
الكوگولدەن كوز جۇمعانداردىڭ ەڭ از سانى تاياۋ شىعىس ەلدەرىندە، ال ەڭ كوپ سانى ەۋروپا جانە ورتالىق ازيادا تىركەلگەن.
