عالىمدار قىزىل ءتۇستى اكۋلانى كورىپ تاڭعالدى

 استانا. قازاقپارات - ەكسكۋرسيالىق قىزمەتتىڭ جۇمىسشىلارى اكۋلانىڭ ەرەكشە جارقىن ءتۇسىن كورىپ تاڭعالدى.

اۋىزى مەن ءىشى قىزىل تۇسكە بويالعان جىرتقىش جەلى قولدانۋشىلارىن عانا ەمەس، عالىمداردى دا ويلاندىرىپ قويدى، دەپ جازادى Stan.kz اقپاراتتىق اگەنتتىگى Fox8-گە سىلتەپ.

جاعالاۋدان تابىلعان اكۋلانىڭ ءىشى مەن اۋزى نە سەبەپتەن قىزىل ەكەنى ازىرگە بەلگىسىز. اق اكۋلالاردى قورعاۋ جونىندەگى جەرگىلىكتى كوميتەتتىڭ ساراپشىلارى تابىلعان قىزىل ءتۇستى اكۋلانى سويىپ، زەرتتەۋ جۇرگىزدى. تەكسەرۋ كەزىندە جىرتقىشتىڭ اسقازانىنان ءۇش نەگىزگى زات تابىلدى. ءبىراق، ماماندار تەكسەرۋدىڭ ناتيجەلەرى كەيىنىرەك جاريالاناتىنىن ايتتى.

ايتا كەتەيىك، قازىرگى تاڭدا اكۋلالاردىڭ 500 دەن استام ءتۇرى بار، ال ولاردىڭ ەڭ ۇزىنى 20 مەترگە دەيىن جەتەدى.