ماعجان جۇمابايەۆتىڭ ولەڭدەرى ازەربايجان تىلىنە اۋدارىلدى
اگەنتتىك تاراتقان مالىمەتتەرگە قاراعاندا، بۇل اقىننىڭ 125 جىلدىعىنا وراي قولعا الىنعان باستاما. اۋدارماشى پروفەسسور راميز اسكەردىڭ ايتۋىنشا، ماعجان تۋىندىلارىنىڭ ماعىناسى تەرەڭ ءارى ۇلتتىق ەرەكشەلىگى زور، سونداي-اق وزگە اقىنداردان ستيلى بولەك بولعاندىقتان، باسقا تىلگە اۋدارۋ قيىنعا سوعىپتى. جيناقتى باسىپ شىعارۋعا تۇرىكسوي ۇيىمى اتسالىسقان. ازەربايجان مادەنيەت مينيسترلىگى قازان ايىندا باكۋدە ماعجاننىڭ 125 جىلدىعىنا ارنالعان شارا ۇيىمداستىرماق.
«ماعجان پوەزياسىنىڭ ورنى بولەك. شىعىس اقىندارىنا دا، ەۋروپالىقتارعا دا ۇقساس ەمەس. ونى فۋتۋريست، يماجينيست دەپ اتاپ جۇرگەن. ءبىر جاعىنان دۇرىس دەۋگە بولادى، ءبىراق وسىمەن تولىق كەلىسە المايمىن. سەبەبى ماعجاننىڭ ايرىقشا ءستيلى بولعان. شىعارعان كىتابىمدا، سول پاراعىندا قازاقشا، ال وڭ جاعىندا ازەربايجان تىلىندە جازىلعان. ويتكەنى ونىڭ شىعارماشىلىعى بويىنشا ۋنيۆەرسيتەتتە ساباق بەرىپ ءجۇرمىز، ستۋدەنتتەرىمىز قازاقشا نۇسقاسىن دا كورسىن»، - دەدى اۋدارما اۆتورى، پروفەسسور راميز اسكەر.
