پاراشيۋتشىلەر مىنگەن ۇشاق اپاتقا ۇشىرادى

نيۋ-يورك. استانا - دجوردجيا شتاتىنىڭ شىعىسىندا بولعان ۇشاق اپاتىندا امەريكالىق اسكەري ينسترۋكتوردى قوسقاندا ءتورت ادام قازا تاپتى. بۇل تۋرالى جەكسەنبى كۇنى Fox News تەلەارناسى حابارلادى.

دەرەكتەرگە قاراعاندا، سەنبى كۇنى شاعىن ۇشاق سۆاينسبورو قالاسىنا تاياۋ ماڭداعى اەرودرومنىڭ جازعى الاڭىنا قۇلاپ، قيراعان. بورتتا ۇشقىشتى قوسقاندا بەس ادام بولعان. ولاردىڭ تورتەۋى قازا تاۋىپ، بىرەۋى اۋرۋحاناعا جاتقىزىلدى.

مەرت بولعانداردىڭ ىشىندە ا ق ش ارمياسىنىڭ Golden Knights پاراشيۋتشىلەر جاساعىنىڭ سەرجانتى الەكساندر باحريتتسيەۆيچ بار. ول قىزمەتتىك مىندەتىنەن تىس بولعان. مۇنى وسى جاساقتىڭ قولباسشىلىعى وزدەرىنىڭ Facebook پاراقشاسىندا راستادى. ولاردىڭ دەرەكتەرىنە قاراعاندا، الەكساندر بەلورۋسسيانىڭ تۋماسى.

اپاتتىڭ سەبەبى ازىرگە ايتىلماي وتىر.