00:11, 26 - تامىز 2018 | GMT +5
ا ق ش- تا پايىزدىق مولشەرلەمەردى كوتەرۋ ساياساتى جالعاسادى
استانا. قازاقپارات - ا ق ش- تىڭ فەدەرالدى قور جۇيەسى دونالد ترامپتىڭ قارسىلىعىنا قاراماستان، پايىزدىق مولشەرلەمەردى كوتەرۋ ساياساتىن جالعاستىرادى.
فەدەرالدى قور جۇيەسى باسشىسىنىڭ پىكىرىنشە، بۇل - ا ق ش ەكونوميكاسىنىڭ قالپىنا كەلۋى مەن جۇمىس ورىندارىنىڭ ارتۋىن ساقتاپ تۇرۋدىڭ جانە ينفلياتسيانى 2 پايىز دەڭگەيدە ۇستاۋدىڭ ەڭ جاقسى ءادىسى.
پاۋەلل ايتقانداي، كومپانيالار قازىرگىدەي بولاشاققا سەنىممەن قاراپ، جۇمىس ورىندارىن ارتتىرا بەرسە، ەكونوميكانىڭ دا ونىمدىلىگى جوعارى قالا بەرەتىنىن كۇتۋگە بولادى. بۇل - دونالد ترامپ قارجىلىق رەتتەۋشى ورگانىن قاتال سىنعا العاننان بەرگى فەدەرالدى قور جۇيەسى باسشىسىنىڭ جاساعان العاشقى مالىمدەمەسى.
ا ق ش پرەزيدەنتى پايىزدىق مولشەرلەمە تومەندەيتىنىنە نەمەسە قازىرگى دەڭگەيدە قالاتىنىنا ءۇمىت بىلدىرگەن ەدى. وسىعان دەيىن فەدەرالدى قور جۇيەسى ساياسي قىسىمعا قاراماستان، تاۋەلسىزدىگىن ساقتاپ قالاتىنىن جاريالاعان بولاتىن.
www.24.kz
