عالىمدار ىشىمدىكتى از ءىشۋ دەنساۋلىققا زيانسىز دەگەن تۇجىرىمعا قارسى شىقتى

استانا. قازاقپارات - ا ق ش- تاعى ۆاشينگتون ۋنيۆەرسيتەتىنىڭ عالىمدارى ىشىمدىكتى بەلگىلى نورمادا قابىلداۋدى دەنساۋلىققا زيانسىز دەگەن ارىپتەستەرىنىڭ تۇجىرىمىنا قارسى شىقتى.

ولار 2016-جىلى ءۇش ميلليون ءولىمنىڭ ىشىمدىك سالدارىنان بولعانىن دالەلدەدى دەپ جازادى segodnya.ua سايتىنا سىلتەمە جاساعان NUR. KZ.

ماماندار 195 ەلدە جۇرگىزگەن زەرتتەۋدە 1990-جىلدان باستاپ 2016-جىلعا دەيىنگى ارالىقتاعى ادامداردىڭ ىشىمدىكتى پايدالانۋ كورسەتكىشى تەكسەرىلدى. عىلىمي جۇمىس بارىسىندا 592 عىلىمي ماقالا مەن ىشىمدىكتى پايدالانۋدىڭ زيانى مەن تاۋەكەلدەرى جونىندەگى ەڭبەكتەر قولدانىلدى.

سونىڭ ارقاسىندا عالىمدار ىشىمدىك پايدالانۋدىڭ ەڭ ءىرى جۇيەسىن جاساپ شىعۋعا مۇمكىندىك تۋدى.

زەرتتەۋشىلەر 2016-جىلى ورىن العان ولىمدەردىڭ ءۇش ميلليونى ىشىمدىك سالدارىنان بولعانىن انىقتادى. وعان قوسا، بۇل كورسەتكىشتىڭ %12  ى 15-49 جاس ارالىعىنداعى ەر ادامدار بولىپ شىققان.

مامانداردىڭ ايتۋىنشا، ىشىمدىكتى پايدالانۋ قاتەرلى ىسىك پەن جۇرەك اۋرۋلارىنا ءجيى سوقتىرىپ تۇرادى. ەڭ جامان جاعدايى ولىممەن اياقتالادى.

سونىمەن قاتار، عالىمدار ىشىمدىكتەن تولىقتاي باس تارتقان جاعدايدا عانا اۋىر دەرتكە شالدىعۋ قاۋپى بولمايتىنىن دالەلدەگەن.

ىشىمدىك ءولىمى ەڭ از بولعان ەلدەر قاتارىندا كۋۆەيت، يران، پالەستينا، ليۆيا، ساۋد ارابياسى، يەمەن، يوردانيا جانە سيريا بوي كورسەتتى. ال كەرىسىنشە، زياندى ادەت سالدارىنان ەڭ كوپ ادام ءولىمى ورىن العان مەملەكەتتەر اراسىندا: بالتيا جانە شىعىس ەۋروپا ەلدەرى، رەسەي، ۋكراينا، ليتۆا، لاتۆيا جانە بەلورۋس بار.