بوكسشى جەكپە- جەك باستالعان كەزدە شارشى الاڭنان قاشىپ كەتتى

 اتىراۋ. قازاقپارات - ا ق ش- تىڭ ميننەاپوليس شتاتىندا ءوتىپ جاتقان Premier Boxing Champions تۋرنيرىندە وتە قىزىقتى جاعداي ورىن العان.

بوكسشى جەكپە-جەك باستالعان كەزدە شارشى الاڭنان قاشىپ كەتىپتى دەپ حابارلايدى vesti.kz سايتى.

اۋىر سالماقتاعى امەريكالىق كەرتيس حارپەر مەن نيگەريالىق ەفە اياگبوي اراسىنداعى جەكپە-جەكتە تاريحتاعى ەڭ جىلدام جەڭىس تىركەلدى.

التى راۋندقا ەسەپتەلگەن سايىس قالىپتى تۇردە باستالعان. بوكسشىلار رينگكە شىعىپ، قولعاپ قاعىسقان. سودان سوڭ ءارقايسىسى ءوز بۇرىشىنا كەتكەن ەكەن.

الايدا ويىندى باستايتىن ىسقىرىقتان سوڭ، حارپەر شارشى الاڭنان شىعىپ، زالدان كەتىپ قالىپتى.

ناتيجەسىندە، امەريكالىق ويىننان شەتتەتىلىپ، نيگەريا ويىنشىسى جەڭىمپاز اتانعان.

حارپەردىڭ نەگە بۇلاي جاساعانى بەلگىسىز. تىلشىلەردىڭ حابارلاۋىنشا، بوكسشىعا جەتكىلىكتى قاراجات تولەمەگەن جانە وعان قاجەتتى قۇرمەت كورسەتپەگەن ەكەن.