قازاق كۇرەسىنەن بيىل ءۇش ەلدىڭ بالۋاندارى تۇڭعىش رەت ازيا چەمپيوناتىنا قاتىسادى

 استانا. قازاقپارات - ەرتەڭ استانادا قازاق كۇرەسىنەن وتەتىن ازيا چەمپيوناتىنا تۇڭعىش رەت شري- لانكا، جاپونيا، يران ەلدەرىنىڭ بالۋاندارى قاتىسپاق. بۇل تۋرالى و ك ق- دا وتكەن باسپا ءسوز ءماسليحاتىندا قازاق كۇرەسى حالىقارالىق قاۋىمداستىعىنىڭ پرەزيدەنتى قانات بوزىمبايەۆ ءمالىم ەتتى، دەپ حابارلايدى قازاقپارات ءتىلشىسى.

«جىل سايىن قازاق كۇرەسى حالىقارالىق فەدەراتسياسىنىڭ باستاماسىمەن ايتۋلى دودالار وتكىزىلىپ كەلەدى. بيىل دا وسى داستۇردەن جاڭىلماي، ۇلكەن جارىستى وتكىزەمىز دەپ وتىرمىز. كۇنى ەرتەڭ تۇڭعىش رەت قازاق كۇرەسىنەن استانادا ازيا چەمپيوناتى وتەدى. چەمپيوناتتا قازاقستان سورتشىلارىمەن بىرگە موڭعوليا، تاجىكستان، تۇرىكمەنستان، پاكىستان، وزبەكستان، شري- لانكا، جاپونيا، يران، قىرعىزستاننان كەلەتىن سپورتشىلار ءوزارا باق سىناسادى. ەرتەڭگى ازيا چەمپيوناتىنا تۇڭعىش رەت قازاق كۇرەسىنەن شري- لانكا، جاپونيا جانە يران سەكىلدى ەلدەردىڭ بالۋاندارى قاتىسقالى وتىر» ، - دەدى قانات بوزىمبايەۆ.

ەسكە سالا كەتسەك، بۇعان دەيىن 26 - تامىزدا استانادا «داۋلەت» سپورت كەشەنىندە قازاق كۇرەسىنەن ازيا چەمپيوناتى وتەتىنىن حابارلاعان بولاتىنبىز. چەمپيوناتقا 11 مەملەكەتتەن 77 سپورتشى قاتىسپاق. بالۋاندار 8 سالماق جانە ابسوليۋتتىك دارەجە بويىنشا سىنعا تۇسەدى. جالپى چەمپيوناتتىڭ جۇلدە قورى 20 مىڭ ا ق ش دوللارىنا باعالانۋدا. ءار سالماق دارەجەسى بويىنشا جارىس جەڭىمپازدارىنا 1000 دوللاردان تابىستالادى، ال كۇمىس جۇلدەگەرگە 500, «قولاعا» 300 دوللاردان بەرىلەدى. ابسوليۋتتىك سالماق دارەجەسى بويىنشا التىن مەدال يەگەرىنە 3000 دوللار، «كۇمىسكە» 1500 دوللار، قولا جۇلدە يەسىنە 1000 دوللار تابىستالادى.

استانادا وتەتىن ازيا چەمپيوناتىندا ەل نامىسىن 9 بالۋان قورعايدى.