ديماشتىڭ اناسى ۇلىنىڭ قايتىس بولعانى تۋرالى مالىمەت تاراعاندا قانداي كۇيدە بولعانىن ايتتى

  استانا. قازاقپارات - تانىمال ءانشى ديماش قۇدايبەرگەننىڭ اتاعى اسپانداعان سايىن، سوڭىنان ءتۇرلى قاۋەسەت ەرە باستادى.

ءتىپتى، جاقىندا جەلىدە ونىڭ قايتىس بولعانى تۋرالى اقپارات تاراعان ەدى. ارتىنشا ەلدى الداپ، جالعان اقپارات تاراتقان ادام تابىلعان كورىنەدى. بۇل تۋرالى 31 - ارنا حابارلايدى.

ديماشتىڭ قايتىس بولعانى تۋرالى تاراعان جالعان اقپارات ونىڭ اناسى سۆەتا ايتپايەۆاعا اۋىر تيگەن. ءوز سوزىندە ءانشىنىڭ اناسى جالعان اقپارات تاراتۋشىلارعا شارا قولدانىلاتىنىن ايتتى.

«جامان قاۋەسەت، مالىمەت ادامنىڭ كوڭىلىنە تيەدى. ءبىراق بىزدەر قازاقتار كەز- كەلگەن دۇنيەدەن جاقسىلىق ىزدەپ وتىرامىز عوي. بالامىزدىڭ عۇمىر- جاسى ۇزاق بولادى ەكەن دەپ تىلەيمىز. مۇنداي نەگاتيۆ دۇنيەنى ايتپاۋ كەرەك. اركىمنىڭ تاربيەسى ءارتۇرلى. الايدا بارلىعى دا زاڭنىڭ اياسىندا باقىلانادى. ونداي كىسىلەرگە شارالار دا قولدانادى» ، - دەيدى سۆەتا ايتپايەۆا.

ال ديماشتىڭ اكەسى قانات ايتپايەۆ ۇلى تۋرالى جەلىدە جالعان اقپارات تاراتقان ادامدى تاۋىپ الىپتى. دەسە دە ونىڭ قانداي جازاعا تارتىلعانى تۋرالى ايتپادى.

Stan.kz