قازاق فيلمى «ءتۇن قۇدايى» ساحالينگە اتتاندى

استانا. قازاقپارات - قازاقستاندىق رەجيسسەر ءادىلحان ەرجانوۆتىڭ «ءتۇن قۇدايى» فيلمى ساحاليندەگى كينوفەستيۆالدە كورسەتىلەدى، دەپ حابارلايدى قازاقپارات ءتىلشىسى «قازاقفيلم» كينوستۋدياسىنىڭ باسپا ءسوز قىزمەتىنە سىلتەمە جاساپ.

ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاقفيلم» كينوستۋدياسى تۇسىرگەن «ءتۇن قۇدايى» فيلمى ساحالين حالىقارالىق «جەر قيىرى» («كراي سۆەتا» ) كينوفەستيۆالىنىڭ بايقاۋدان تىس «كورشىلەر/دوستار» اتتى باعدارلاماسىندا كورسەتىلەدى. فەستيۆال وڭتۇستىك ساحاليندە تامىزدىڭ 24-31 ارالىعىندا ساحالين گۋبەرناتورىنىڭ قولداۋىمەن وتكىزىلمەك.

«ءتۇن قۇدايىنان» بولەك، «جەر قيىرىنىڭ» نەگىزگى بايقاۋىندا رەجيسسەر ەرجانوۆتىڭ تاعى «الەمنىڭ مەيىرىمدى ەنجارلىعى» اتتى فيلمى دە قاتىسادى» ، - دەلىنگەن حابارلامادا.

ال تۋىندىسى حالىقارالىق كينوفەستيۆالدە كورسەتىلگەلى وتىرعان ءادىلحان ەرجانوۆتىڭ ايتۋىنشا، نەگىزگى ۇيىمداستىرۋشىلار بايقاۋعا ءداستۇرلى «كينوتىلدە» تۇسىرىلگەن فيلمدەردى قابىلدايدى.

«الەمنىڭ مەيىرىمدى ەنجارلىعى» ءفيلمى وسى فورماتقا سايكەس كەلەدى. ال «ءتۇن قۇدايى» - سيۋجەت لوگيكاسىن ەلەمەي، وبراز تازالىعىن كورسەتۋگە تىرىسقان ەكسپەريمەنتالدى باعىتتاعى فيلمىم. قاتارىنان ەكى فيلمىم فەستيۆالگە قاتىسىپ وتىرعانى قۋانىشتىمىن، ويتكەنى ولار فورماسى مەن مازمۇنى جاعىنان ءبىر- بىرىنە قايشى» ، - دەيدى رەجيسسەر.