ورالدا زاڭسىز تاكسي جۇرگىزۋشىلەرىنە ايىپپۇل سالىنا باستادى
باتىس قازاقستان وبلىسى تاكسي قاۋىمداستىعى وكىلدەرىنىڭ ايتۋىنشا، قالاداعى تاكسي جۇرگىزۋشىلەردىڭ جارتىسىنا جۋىعى جولاۋشىلاردى زاڭسىز تاسىمالداپ ءجۇر.
رەيد قۇپيا كليەنت ادىسىمەن جۇرگىزىلىپ جاتىر. ول موبيلدىك قوسىمشا ارقىلى تاكسيگە تاپسىرىس بەرەدى. ال جولاۋشىنىڭ ورنىنا تاكسيدى قۇقىق قورعاۋ ورگاندارىنىڭ قىزمەتكەرلەرى كۇتىپ الادى. رەيدكە جەرگىلىكتى پوليتسيا قىزمەتىمەن قوسا كولىك پروكۋراتۋراسى جانە كولىك ينسپەكسياسىنىڭ وكىلدەرى دە قاتىسىپ جاتىر.
رەيد بارىسىندا ءبىر ساعاتتىڭ ىشىندە ءۇش زاڭسىز تاكسي جۇرگىزۋشىسى انىقتالدى.
«جۇرگىزۋشىلەرگە ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 571-بابىنىڭ 1-بولىگىنە سايكەس، 5 ا ە ك مولشەرىندە ايىپپۇل سالىنادى»، - دەيدى ورال قالالىق ىشكى ىستەر باسقارماسى جول-پاترۋل قىزمەتى باتالونىنىڭ پوليتسەيى ازامات نامازوۆ.
