اعايىندى بالالار ليموناد ساتىپ، ءۇي ساتىپ الدى
دەۆيد پەن زاك بيزنەسپەن اينالىسۋدى جەتى جىل بۇرىن باستاعان. ولار 7 جىل بۇرىن وزدەرى تۇراتىن اۋدانىندا ۇيدە جاسالىنعان ليمونادتى ساتىپ، ءوز كاسىپتەرىن اشتى. اعايىندى بالالاردىڭ كاسىبى تابىستى بولىپ، ولار كوپ ۇزاماي جۇزدەگەن دوللار تابا باستادى.
وسى جاسىندا بيزنەسپەن اينالىسىپ جۇرگەن بالالار ەڭبەكقورلىقتى اكەلەرىنەن ۇيرەنگەن. قازىر ولار اۆستراليانىڭ سيدنەي قالاسىندا تانىمال «باي اكە، كەدەي اكە» كىتابىنىڭ اۆتورى روبەرت كييوساكيدىڭ ۇيىندە قوناقتا ءجۇر. اعايىندىلار ونى رۋحاني جانە ىسكەرلىك تالىمگەر دەپ اتايدى. ولاردىڭ اكەسى ەندي تەننەر ۇلدارىنىڭ ەرەكشە دارىندى قاسيەتى جوق ەكەنىن ايتتى. ءبىراق، بالالارى ءاردايىم ينۆەستيتسياعا قىزىعۋشىلىق تانىتىپ جۇرگەن.
«مەن ينۆەستيتسيا جاساعاندى ۇناتامىن. ماعان جۇمىس ىستەمەي اقشا تاپقان ۇنايدى» ، - دەيدى 12 جاستاعى زاك.
