كوكتەمدە قاشاعان كەن ورنىندا مۇناي ءوندىرۋ توقتايدى

اتىراۋ. قازاقپارات - كوكتەمدە اتىراۋ وبلىسىندا، كاسپي تەڭىزىنىڭ قازاقستان سەكتورىندا ورنالاسقان قاشاعان كەن ورنىنان مۇناي ءوندىرۋ توقتاتىلادى، دەپ حابارلايدى «قازاقپارات» ح ا ا ءتىلشىسى.

«2019 -جىلى كوكتەمدە «بولاشاق» مۇناي جانە گازدى كەشەندى دايىنداۋ قوندىرعىسىنا تەحنيكالىق قىزمەت كورسەتۋ جانە كۇردەلى جوندەۋدەن وتكىزۋ ءۇشىن جۇمىس توقتاتىلادى. بۇل مۇنداي ءىرى ءوندىرىس ورىندارى ءۇشىن قالىپتى جاعداي. كەز كەلگەن زاۋىت پروفيلاكتيكالىق جۇمىستاردى جۇرگىزۋ ءۇشىن توقتاتىلادى. قوندىرعىلار تەكسەرىلىپ، كەيبىرى الماستىرىلادى. بۇل شامامەن بىرنەشە اپتاعا سوزىلادى. قۇبىرلاردى الماستىرۋ جوسپارىمىزدا جوق»، - دەپ مالىمدەدى نكوك كومپانياسىنىڭ كورپوراتيۆتىك قولداۋ جونىندەگى ديرەكتورى بالتاباي قۋانىشيەۆ «قازاقپارات» ح ا ا تىلشىسىنە.

ب. قۋانىشيەۆتىڭ ايتۋىنشا، قاشاعان تەڭىز كەن ورنى ىسكە قوسىلعان 2016 -جىلدىڭ قىركۇيەگىنەن بەرى 16 ميلليون توننا مۇناي ءوندىرىلىپ، تۇتىنۋشىلارعا جىبەرىگەن.

 ايتا كەتەيىك، «بولاشاق» مۇناي جانە گازدى كەشەندى دايىنداۋ قوندىرعىسى اتىراۋدان 30 شاقىرىم جەردەگى قاراباتاندا ورنالاسقان. مۇناي وعان كاسپي تەڭىزىندەگى «د» جاساندى ارالىنان قۇبىرلار ارقىلى كەلەدى.