اتا- انادان جينالعان كەز كەلگەن قاراجات زاڭسىز - ولجاس بەكتەنوۆ

استانا. قازاقپارات - بۇگىن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىندە ءبىلىم بەرۋ سالاسىندا كورسەتىلەتىن قىزمەتتەردىڭ ساپاسىن ارتتىرۋ جونىندە جينالىس ءوتتى.

 وعان ق ر ءبىلىم جانە عىلىم ۆيتسە- ءمينيسترى اسحات ايماعامبەتوۆ، استانا قالاسى اكىمىنىڭ ورىنباسارى ەرمەك امانشايەۆ، ەلوردالىق ءبىلىم بەرۋ باسقارماسىنىڭ باسشىسى ءانۋار جانعوزين قاتىستى، دەپ حابارلايدى اگەنتتىكتىڭ باسپا ءسوز قىزمەتى.

كەزدەسۋدى اشقان ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى ولجاس بەكتەنوۆ مەملەكەتتىك قىزمەت كورسەتۋدى تەزىرەك اۆتوماتتاندىرۋ مەن ءبىلىم بەرۋ جۇيەسىندەگى اكىمشىلىك كەدەرگىلەردى جويۋ قاجەتتىگىن اتاپ ءوتتى.

ول اقپان ايىنان باستاپ اگەنتتىك پەن استانا اكىمدىگىنىڭ «استانا - ادالدىق الاڭى» بىرلەسكەن جوباسى جۇمىس ىستەپ تۇرعانىن ەسكە سالدى. ونىڭ جۇمىسى جوبالىق مەنەدجمەنت پرينتسيپتەرىنە نەگىزدەلگەن. جوبا شەڭبەرىندە ءبىلىم بەرۋ سالاسىنا جۇرگىزىلگەن تالداۋلار بويىنشا ءبىرقاتار ەسكەرتۋلەر مەن ۇسىنىمدار ازىرلەنگەن.

«مەكتەپتەردەگى اقشا جيناۋ ماسەلەسىن ەرەكشە اتاپ وتكىم كەلەدى. وكىنىشكە وراي، مۇنداي سالىمدار ادەتكە اينالىپ كەتتى. كوپتەگەن اتا- انالاردىڭ ەتى ۇيرەنىپ كەتكەن جانە ءدال وسىلاي بولۋى كەرەك دەپ سانايدى. شىن مانىندە ولاي بولماۋى كەرەك. مەملەكەت بارلىق مەكتەپتىڭ قاجەتتىلىكتەرىنە، سونىڭ ىشىندە جوندەۋ جۇمىستارىنا جانە باسقا دا ءىس- شارالارعا جەتكىلىكتى قارجى بولەدى. اتا- انادان جينالعان كەز كەلگەن قاراجات زاڭسىز. بۇل بالاباقشالارعا دا قاتىستى»، - دەدى بەكتەنوۆ.

 

- مەملەكەتتىك ورگاندار بارلىق ۇسىنىستاردى نازارعا الىپ، ماسەلەلەردى شەشۋدە بەلسەندى جۇمىس ىستەۋى كەرەك. بۇل جۇمىس استانادا عانا ەمەس، بۇكىل ەلدە جۇزەگە اسىرىلۋى ءتيىس».

 «استانا - ادالدىق الاڭى» جوباسىنىڭ جەتەكشىسى جازيرا جىلقىشييەۆانىڭ ايتۋىنشا، ەلوردالىق مەكتەپتەردە اتا- انالاردان مەكتەپ قاجەتتىلىگى ءۇشىن اقشا جيناۋ ماسەلەسى وزەكتى بولىپ وتىر. ءالى كۇنگە دەيىن بالاباقشاعا قابىلداۋ ءۇشىن «قوسىمشا» سالىم تالاپ ەتەدى. كەيبىر كوللەدجدەردىڭ جاعدايى ءورت قاۋىپسىزدىگى ستاندارتتارىنا سايكەس كەلمەيدى. جوندەۋ جۇمىستارى وقۋشىلار مەن ستۋدەنتتەر ەسەبىنەن جۇزەگە اسىرىلادى. بالالار ءبىر وقۋ ورنىنان ەكىنشىسىنە اۋىسقاندا كەيبىر راسىمدەر نورماتيۆتى تۇرعىدا رەتتەلمەيدى، بۇل دا اكىمشىلىك كەدەرگىلەردىڭ تۋىنداۋىنا اكەپ سوعادى.

 جينالىس سوڭىندا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى ولجاس بەكتەنوۆتىڭ جەكە باقىلاۋىندا بولاتىن كەمشىلىكتەردى جويۋ جونىندە حاتتاما جاسالدى.

 ەسكە سالا كەتەيىك، 2018 -جىلدىڭ 7 - اقپانىنان باستاپ استانا قالاسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى مەن استانا قالاسى اكىمدىگىنىڭ جەمقورلىققا قارسى بىرلەسكەن جوباسى جۇزەگە اسىرىلۋدا. ونىڭ ماقساتى - ىشكى سىبايلاس جەمقورلىقتى جويۋ جانە ەلوردانىڭ مەملەكەتتىك مەكەمەلەرىنە كەلگەن ازاماتتارعا قولايلى جاعداي جاساۋ.

اۆتور: ايجان سەرىكجان قىزى