سولتۇستىك قازاقستان وبلىسى اڭشىلىق تۋريزمدى دامىتپاق
وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسى وكىلدەرىنىڭ ايتۋىنشا، ءوڭىردىڭ تۋريستىك الەۋەتى جوعارى، سونىڭ ىشىندە ىشىندە اڭشىلىق تۋريزمدى دامىتۋ تەتىكتەرى جەتكىلىكتى.
«اڭشىلىق تۋريزم - تۋريزمنىڭ ەڭ تانىمال تۇرلەرىنىڭ ءبىرى. كوپ شىعىندى قاجەت ەتەتىنىنە قاراماستان، بۇكىل الەمدە تۋريزمنىڭ وسى ءتۇرى قارقىندى دامىپ كەلەدى»، - دەيدى باسقارما وكىلدەرى.
بۇل رەتتەگى العاشقى قادامدار قويىلعان. ايىرتاۋ اۋدانىنداعى «كراسنىي كوردون» اڭ شارۋاشىلىعىنا اۆستريادان اڭشى كەلدى. مۇندا كۇلمىز (ءسىبىر ەلىگىنىڭ اتالىعى) اۋلانادى.
«پايدالانۋشى رۇقساتتاما قۇجاتتارىنىڭ بارلىعىن الدىن الا رەسىمدەدى: شەتەلدىكتىڭ قاتىسۋىمەن اڭ اۋلاۋ شارتى جاسالىپ، قارۋ- جاراق اكەلۋگە، جانۋارلار الەمىن پايدالانۋعا رۇقسات الىندى»، - دەيدى باسقارما وكىلدەرى.
سالىق زاڭناماسىنا سايكەس، جانۋارلار الەمىن پايدالانۋ ءۇشىن شەتەلدىكتەرگە سالىناتىن سالىق بازالىق مولشەرلەمەدەن ون ەسە ارتىق.
اڭ شارۋاشىلىعىنىڭ يەلەرى بيىل ەۋروپادان كەلەتىن بەس اڭشى ءۇشىن تۋر ۇيىمداستىرۋدى جوسپارلاپ وتىر.
وبلىستا تۋريزمنىڭ وسى ءتۇرىن دامىتۋعا ءوڭىر باسشىسى قۇمار اقساقالوۆ باسا نازار اۋدارىپ وتىر. ول ايىرتاۋ اۋدانىنا ءجيى بارىپ، تۋريزم ينفراقۇرىلىمىنىڭ دامۋىن باقىلايدى. اۋدان اۋماعىندا كوپكە بەلگىلى شالقار جانە يمانتاۋ كولدەرى ورنالاسقان. مۇندا تەك قازاقستاننىڭ باسقا وڭىرلەرىنەن عانا ەمەس، كورشى رەسەيدەن دە تۋريستەر كەلەدى. وبلىس باسشىلىعى الداعى ۋاقىتتا شالقار- يمانتاۋ كۋرورتتىق ايماعىن قۇرۋدى جوسپارلاپ وتىر.
