قازاقستانداعى سيفرلاندىرۋ كانادا جانە اۆستراليا دەڭگەيىندە
ونىڭ سوزىنە قاراعاندا، گەرمانيادان كەلگەن سەرىكتەستەر كومەگىمەن قازاقستان ءىرى وتاندىق كومپانيالاردى ءتورتىنشى ونەركاسىپتىك ريەۆوليۋتسياعا دايارلاپ جاتىر.
«بۇل جۇمىستى باستار الدىندا ەلىمىزدە ىسكە قوسىلعان كومپانيالارعا شولۋ جاسادىق. وسى ورايدا ولاردىڭ دەڭگەيىنە تالداۋ جۇرگىزىلدى. بىزدەگى كومپانيالاردىڭ دامۋ دەڭگەيى تولىق سيفرلاندىرۋدان ايتارلىقتاي قالىس كەلە جاتىر. دەگەنمەن دە وسىنداي جاعداي باسقا دا ەلدەردە بايقالۋدا. بۇل باعىتتا ىلگەرى كەلە جاتقان گەرمانيانىڭ وزىندە كومپانيالاردىڭ تەك 10 پايىزى عانا يندۋستريا 4.0 دەڭگەيىنە ساي كەلەدى»، - دەدى ول.
حالىقارالىق ساراپشىلاردىڭ تالداۋىنا سۇيەنە وتىرىپ، قازاقستانداعى ونەركاسىپتىك كومپانيالاردا سيفرلاندىرۋ دەڭگەيىن كانادامەن جانە اۆستراليامەن سالىستىرۋعا بولادى.
«حالىقارالىق ساراپشىلاردىڭ قورىتىندىسىنا سۇيەنسەك، كانادا مەن اۆستراليا يندۋستريا 2.0 دەڭگەيىندە تۇر. بۇل كورسەتكىش قازاقستانمەن شامالاس. قازىرگى كەزدە قازاقستان كومپانيالارىنا ءوزىنىڭ باسەكەگە قابىلەتتىلىگىن ارتتىرۋعا مۇمكىندىك بەرەتىن شارالاردى پىسىقتاۋدامىز»، - دەپ ءتۇيدى م. ىدىرىسوۆ.
اۆتور: رۋسلان عابباسوۆ
