حالىقارالىق ارالدى قۇتقارۋ قورىنىڭ قۇرىلتايشى مەملەكەتتەرى باسشىلارىنىڭ سامميتى ءوتىپ جاتىر
تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ توراعالىعىمەن ءوتىپ جاتقان سامميتكە قازاقستان پرەزيدەنتى نۇرسۇلتان نازاربايەۆ، وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى سوورونباي جەەنبەكوۆ، تاجىكستان پرەزيدەنتى ەمومالي راحمون قاتىسۋدا.
تۇرىكمەنستان باسشىسى ورتالىق ازيا مەملەكەتتەرىنىڭ ىنتىماعىن، ءوڭىردىڭ ەڭ وزەكتى ماسەلەلەرىن شەشۋگە ورتاق كۇش بىرىكتىرە الاتىندىعىن پاش ەتەتىن بۇل جيىننىڭ وتە ماڭىزدى ەكەندىگىن باسا ايتتى.
«اسىرەسە بۇل ەلدەرىمىز ورتا ازيالىق مەملەكەتتەردىڭ اراسىنداعى ىنتىماقتاستىقتى نىعايتۋعا باعىتتالعان ساياسي- ديپلوماتيالىق سيپاتتاعى كەشەندى شارالاردى كەزەڭ- كەزەڭمەن جۇزەگە اسىرىپ جاتقان ساتتە بارىنشا ماڭىزدى. وسى تۇرعىدان العاندا بۇل جولعى سامميت بارىنشا اۋقىمدى باعىتتارداعى سەرىكتەستىكتى دامىتۋ پروتسەسىنىڭ تاعى ءبىر ماڭىزدى كەزەڭىنە اينالماق»، - دەدى گۋربانگۋلى بەردىمۇحامەدوۆ.
فوتو: turkmenportal.com
اۆتور: مارلان جيەمباي
