ءازىل-قالجىڭ مايتالماندارى ەلوردادا ەستەن كەتپەس كەش وتكىزبەك
قايتالانباس ءازىل كەشىنىڭ وتەتىنى جايلى ق ر مادەنيەت جانە سپورت مينيسترلىگى باسپا ءسوز حاتشىسى ايدار قىرىقباي ءوزىنىڭ فەيسبۋك پاراقشاسىندا جازدى، دەپ حابارلايدى قازاقپارات ءتىلشىسى.
«قازاقستان رەسپۋبليكاسى مادەنيەت جانە سپورت مينيسترىلىگى استانا قالاسىنىڭ 20 جىلدىعىنا وراي ت م د ەلدەرىنىڭ بەلدى ارتىستەرىنىڭ جانە وتاندىق ساتيرا سالاسى ۇزدىكتەرىنىڭ قاتىسۋىمەن اۋقىمدى ءازىل فەستيۆالىن ۇيىمداستىرۋدى كوزدەپ وتىر.
«Astana Azil Star Fest» - بۇل ءازىل سالاسىندا بۇرىن سوڭدى بولماعان مەگا جوبا. قاعىتپا قالجىڭنىڭ مايىن ءىشىپ، جىلىگىن شاققان ازىلكەشتەر مەن ءازىل- سىقاق تەاترلارىنىڭ دۋماندى كەشى»، - دەپ جازادى ايدار قىرىقباي.
كەشتى ەلىمىزگە تانىمال شوۋمەن تۇرسىنبەك قاباتوۆ جۇرگىزەدى. ازىلكەشتەر باس قوساتىن كەش ەلورداداعى «قازاقستان» ورتالىق كونتسەرت زالىندا وتەدى. ءبىر ساحنادا «ونەر قىراندارى»، «الداراسپان تەاترى»، «ءازىل الەمىنىڭ» اكتەرلەرى، «ازىلمەن» جوباسىنىڭ ۇزدىكتەرى باس قوسپاق.
