قىركۇيەكتەن باستاپ ءۇش اۆتوجول اقىلى بولادى

استانا. قازاقپارات - 2015-2019 -جىلدارعا ارنالعان «نۇرلى جول» مەملەكەتتىك ينفراقۇرىلىمدى دامىتۋ باعدارلاماسى اياسىندا، رەسپۋبليكالىق ماڭىزى بار اۆتوموبيل جولدارىندا اقىلى جۇيەنى ەنگىزۋ جوسپارلانعان، دەپ حابارلايدى قازاقپارات ءتىلشىسى.

«جولدىڭ اقىسى رەسپۋبليكالىق ماڭىزى بار جولداردىڭ % 27- ىندا الىنا باستايدى. بۇل - 6,5 مىڭ كيلومەتر»، - دەيدى «قاز اۆتو جول» ۇ ك» ا ق باسقارما ءتوراعاسى تەمىرحان مەڭدىعاليەۆ  و ك ق- دا وتكەن باسپا ءسوز ءماسليحاتىندا.

ول قازىرگى كەزدە «استانا - تەمىرتاۋ»، «الماتى - قاپشاعاي» جانە «الماتى - قورعاس» اۆتوجولدارىندا اقىلى جۇيەنى ەنگىزۋ جۇمىستارى جۇرگىزىلىپ جاتقانىن جەتكىزدى. ۇستىمىزدەگى جىلدىڭ قىركۇيەك ايىندا جۇيە سىناق تۇرىندە پايدالانىلا باستايدى.