ءال- فارابي اتىنداعى قازاق ۇلتتىق ۋنيۆەرسيتەتى پەداگوگ مامانداردى دايارلامايتىن بولدى

الماتى. قازاقپارات - الماتىداعى ءىرى جوعارعى وقۋ ورنى كەيبىر پاندەر بويىنشا پەداگوگيكالىق ماماندىقتار قاتارىن قىسقارتتى.

 بۇل تۋرالى قالالىق وڭىرلىك كوممۋنيكاتسيالار قىزمەتىندە ءال- فارابي اتىنداعى قازۇۋ- دىڭ رەكتورى عالىمقايىر مۇتانوۆ مالىمدەدى، دەپ حابارلايدى قازاقپارات ءتىلشىسى.

«سوڭعى كەزدەردە بۇل ماسەلەنى جان- جاقتى تالقىلادىق. اقىرىندا پەداگوگيكالىق ماماندىقتاردان باس تارتۋدى ءجون سانادىق. بۇل ءۇشىن رەسپۋبليكانىڭ بارلىق ايماعىندا ارنايى وقۋ ورىندارى بار. اباي اتىنداعى قازاق ۇلتتىق پەداگوگيكالىق ۋنيۆەرسيتەتى مۇعالىمدەردى دايارلايدى. ءبىزدىڭ باعىت - عىلىمي ماماندىقتار. الايدا ستۋدەنتتەر «ءبىزدىڭ ارمانىمىز - قازۇۋ- دە ءبىلىم الۋ» دەپ ۇرانداتىپ قويار ەمەس. كوبىن كەرى قايتاردىق، كونبەگەندەرىن الىپ قالۋعا تۋرا كەلدى. كەلەر جىلى مۇلدەم قابىلدامايمىز» ، - دەدى ع. مۇتانوۆ.

بيىل پەداگوگيكالدىق ماماندىقتارعا 160 تالاپكەر ءوتىنىش بىلدىرگەن. ءبىراق ولارعا جاتاقحانا بەرىلمەيدى. تەك الەۋمەتتىك جاعدايى تومەن ستۋدەنتتەر عانا جاتىن ورىنمەن قامتاماسىز ەتىلمەك.

سونداي- اق قازۇۋ رەكتورى بيىل IT سالاسىنداعى ماماندىقتارعا سۇرانىس ارتقانىن اتاپ ءوتتى.

ستۋدەنتتەردىڭ باسىم بولىگى «قۇقىق تانۋ»، «ەكونوميكا» «حالىقارالىق قاتىناستار» ماماندىعىن تاڭدايدى. سونداي- اق ينجەنەرلىك سالانى يگەرگىسى كەلەتىندەرى دە جوق ەمەس. IT فاكۋلتەتىنە قىزىعۋشىلىق تانىتۋشىلاردىڭ كوبەيگەنگەندىگىن دە اتاپ وتپەسكە بولماس. بۇرىن بۇل ماماندىق «مەحانيكا جانە ماتەماتيكا» شەڭبەرىندە قالىپ قوياتىن. بيىلدان باستاپ جاڭا فاكۋلتەت اشىپ، «e-commerce»، «ەسەپتەۋ لينگۆيستيكاسى»، «Big Data»، «جاساندى ينتەللەكت» ماماندىقتارىن ۇيىمداستىردىق. قازىرگى ستۋدەنتتەر بولاشاق اقپاراتتىق تەحنولوگيالار قولىندا ەكەنىن بىلەدى. كوپتەگەن ەلدەر سيفرلىق فورماتقا كوشۋدە. بۇل ماماندار قازاقستاندى جوعارعى دەڭگەيگە كوتەرەتىنىنە سەنىمدىمىن»، - دەدى ول.

ءال- فارابي اتىنداعى قازاق ۇلتتىق ۋنيۆەرسيتەتىندە 10 مىڭعا جۋىق ستۋدەنت ءبىلىم الادى. ولاردىڭ 6 مىڭنان استامى مەملەكەتتىك گرانت ەسەبىنەن وقيدى. 800 شاكىرت «التىن بەلگى» يەگەرى.

اۆتور: ارايلىم جولداسباي