ماقپال ءجۇنىسوۆا ءوزىنىڭ تۇرمىسقا شىعۋىنا كىمنىڭ رۇقسات بەرمەيتىنىن ايتتى
ءتىپتى، ەل اراسىندا ونىڭ وزگە ەر اداممەن كوڭىل قوسقانى تۋرالى سىبىس تا جوق. وسى كۇنگە دەيىن كوپشىلىكتىڭ قۇرمەتىنە بولەنىپ، اتىنا داق تۇسىرمەگەن قازاقتىڭ ەركە قىزى قايتا تۇرمىس قۇرۋ تۋرالى نە ويلايدى؟ اتالعان ماسەلە تۋراسىندا حالىق ءارتىسىنىڭ ءوزى ايتىپ بەردى.
بۇل تۋرالى «ۆرەميا» گازەتىنە سىلتەمە جاساپ Stan.kz اقپارات اگەنتتىگى حابارلايدى.
قايتا تۇرمىسقا شىعۋ تۋرالى سۇراققا جاۋاپ بەرگەن ماقپال ءجۇنىسوۆا وزىنە وزگە ەرلەردىڭ تامسانا قاراپ، عاشىقتىق سوزدەر ايتاتىنىن جاسىرمادى. الايدا...
«اناما ماعان تۇرمىسقا شىعۋىما رۇقسات بەرمەيدى. «مەن 47 جاسىمدا جەسىر قالسام دا، ولگەنىم جوق. سەن دە ولمەيسىڭ!» - دەيدى انام. مەن ەشقاشان اناما قارسى شىقپايمىن. سونىمەن قاتار قىزىم دا: «اناشىم، بىزگە ەشكىمنىڭ كەرەگى جوق»، - دەيدى»، - دەپ اعىنان جارىلدى حالىق ءارتىسى.
ءجۇنىسوۆانىڭ ايتۋىنشا، كۇيەۋى زامانبەك نۇرقادىلوۆ قايتىس بولعاننان كەيىن، 5 جىل بويى مارقۇمدى قاتتى ساعىنىپ، كۇن سايىن تۇسىندە كورگەن.
«مۇنان كەيىن قايعىمدى جاسىرۋعا تىرىسىپ، وزگە ەرلەرگە قاراي باستادىم. الايدا جاقىندارىم قارسى بولسا، دەمەك، بولمايدى. سوندىقتان ءجيى تويعا بارىپ، كوپ جۇمىس ىستەۋگە تىرىستىم. مۇنىڭ ءبارى باسىما ءتۇرلى جامان ويلار كەلمەس ءۇشىن»، - دەيدى ءانشى.
سونىمەن قاتار ماقپال ءجۇنىسوۆا تۇرمىستاعى قۇربىلارىمەن ارالاسۋدى دا دوعارعان. سەبەبى، الدەكىمگە عاشىق بولىپ قالىپ، بىرەۋدى وتباسىنان اجىراتىپ الماۋدى ويلادىم، دەيدى ول.
«مەن تەز عاشىق بولاتىن اداممىن. ماعان جان-دۇنيەسى باي، اقىلدى، دارىندى، ناعىز ەرلەر ۇنايدى. الايدا بۇل دەگەنىمىز مەنىڭ مىندەتتى تۇردە قانداي دا ءبىر ەر اداممەن قارىم-قاتىناستا بولۋىم كەرەكتىگىن بىلدىرمەيدى. تەك، مەن عاشىق بولعان كەزدە، مۇنداي سەزىم ماعان ءومىر سۇرۋگە كومەكتەسەدى. مەن - شىعارىماشىلىق ادامىمىن»، - دەيدى ماقپال ءجۇنىسوۆا.
