دەپۋتاتتار ءۇيىنىڭ الدىندا قىرىققابات ءوسىپ جاتىر

استانا. قازاقپارات - دەپۋتاتتارعا ارنالعان «نۇرسايا» تۇرعىن ءۇيى كەشەنى ماڭايىندا ەرەكشە گۇلزاردى وتىرعىزدى. ول جەردە «دەكوراتيۆتى قىرىققابات» اتتى گۇلدەر ءوسىپ جاتىر، دەپ حابارلايدى قازاقپارات ءتىلشىسى.

«استانا- زەلەنستروي» ا ق- سى وندىرىستىك جۇمىسقا جاۋاپتى ديدار تەلجان ۇلىنىڭ ايتۋىنشا، بۇعان دەيىن دەكوراتيۆتى قىرىققابات قالانىڭ بىرنەشە جەرىندە ەگىلگەن. الايدا وسى جولى قونايەۆ پەن تۇركىستان كوشەلەرىنىڭ قيىلىسىنا وتىرعىزعاننان كەيىن استانالىقتار ەرەكشە گۇزاردى بىردەن بايقاعان. «ءيا، ونى «دەكوراتيۆتى قىرىققابات» دەيدى. ءبىراق ول جەيتىن قىرىققاباتقا جاتپايدى. وسكەننەن كەيىن گۇل بولىپ اشىلادى. ونى ءوزىمىزدىڭ جىلىجايىمىزدا وسىرەمىز. نەگىزى، دەكوراتيۆتى قىرىققاباتتى وتىرعىزىپ جاتقانىمىزعا ءبىراز بولدى. بۇعان دەيىن كورىنبەيتىن جەرگە ەككەننەن كەيىن كىسىلەر بايقاماعان دا شىعار. بيىل «نۇرسايانىڭ» جانىنا وتىرعىزدىق. سودان ادامدار بىردەن كورگەن بولار»، - دەيدى د. تەلجان ۇلى.

ايتا كەتەيىك، بۇل كادىمگىدەي قىرىققاباتتىڭ ءبىر ءتۇرى بولىپ سانالادى. ونىڭ باستى ەرەكشەلىگى سول، باسقا گۇلدەر سياقتى كۇزگە تامان سولىپ قالمايدى. قار تۇسكەنشە ءتۇرلى-ءتۇستى بولىپ قالا بەرەدى. مامانداردىڭ ايتۋىنشا، ونى جەۋگە دە بولادى. سەبەبى قۇرامىندا سان الۋان دارۋمەندەر بار. كۇزدە العاشقى قاتقاقتان كەيىن دەكوراتيۆتى قىرىققاباتتىڭ قىشقىل ءدامى كەتەدى. سول كەزدە ءدامى دە جاقسارادى.