جەراستى وتكەلىندە قازاقتىڭ كۇيى ويناپ تۇر

 استانا. قازاقپارات - «باۋىرجان بايبەك بىلتىر دا الماتىنى قوپارىپ تاستاپ ەدى... بيىل دا سولاي. بارلىق جاياۋ جۇرگىنشىلەردىڭ جولى ءسۇرىلىپ تاستاپ، قايتا جاسالىپ جاتىر. جولدىڭ جاسالعانى جاقسى-اۋ، ءبىراق ادامنىڭ قاي «سوقپاقپەن» جۇرەتىنى بەلگىسىز بولىپ قالدى. امالدىڭ جوعىنان قازىر جۇرگىنشىلەر كولىك جۇرەتىن جولدىڭ جيەگىمەن جۇرەدى. بايقاۋسىزدا كولىك قاعىپ كەتسە نە بولادى؟! قۇداي ساقتاسىن، ارينە. «استان- كەستەڭ الماتى...».

15 -شىلدە 2018 -جىل) وسىدان بىرەر اي بۇرىنعى ماقالامىزدا وسىلاي دەپ جازعان ەكەنبىز. ەندى مىنە، استاڭ-كەستەڭ بولعان الماتى كورىكتەنە باستاعانداي.

بۇرىن الماتىنىڭ جەراستى وتپەلىنەن ءوتۋ مۇمكىن ەمەس ەدى. لاس، بىلعانىش، ءار نارسەنىڭ كۇلىمسى ءيسى مۇڭكىگەن جەردەن ءوتۋ وتە قيىن ەدى. بۇل جەردەن ەمىن-ەركىن، كوڭىل-كۇيىڭنىڭ كوتەرىڭكى، جانىڭ جايلى، قاۋىپسىز جاعدايدا وتكەننىڭ ءجونى بولەك قوي. بۇرىن دا اكىمدىك قالاداعى بارلىق جەراستى وتكەلدەرىنىڭ كۇردەلى جوندەۋدەن وتەتىنىن حابارلاعان. ەندى مىنە سونىڭ ناتيجەسى كورىنە باستادى.

مىسالى، اباي مەن ابىلايحان داڭعىلىنىڭ قيىلىسىنداعى جەراستى وتپەلى جولىنىڭ قابىرعاسىنا ابايدىڭ فيلوسوفيالىق سوزدەرى جازىلىپ قويىلعانى قۋانتتى. رەسپۋبليكا سارايىنا قارسى ورنالاسقان جەراستى وتپەلى جولىنىڭ قابىرعاسىندا «جەتى قازىنا» اتتى قازاق كوشپەندىسىنىڭ جەتى بايلىعىنىڭ سۋرەتى تۇر.



ال رايىمبەك داڭعىلى بويىنداعى جەراستى جولىنىڭ بىرىندە قازاقتىڭ كۇيى كۇمبىرلەپ، شابىتىڭدى شالقىتادى.بۇرىن كورىكسىز بولىپ جاتاتىن جەر ەندى ايشىقتالىپ، ادەمى كۇيگە بولەنگەن. ۇزدىكسىز ويناپ تۇرعان قازاقى كۇي كوڭىلىڭدى كوتەرەدى. جان-جاعىڭ تازا. تەك وسىنداي كورىكتى كۇيگە بولەنگەن جەردى بىلعايتىن، قابىرعانى سىزىپ، بىلگەنىن ىستەپ كەتەتىن بۇزاقىلاردىڭ بولۋى كوڭىلدى قىنجىلتادى. نەگىزى قالانىڭ اجارى اشىلىپ، ايشىقتالۋى وزىمىزگە جاقسى. تەك ۇزاعىنان ءسۇيىندىرسىن دەيمىز.

بەرىك بەيسەن ۇلى (سۋرەتتى تۇسىرگەن اۆتور)

 

www.aikyn.kz