ناۋقاستارعا تەگىن بەرىلەتىن ءدارى-دارمەك كوبەيدى

استانا. قازاقپارات - مەديتسينالىق ۇيىمدار تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جانە مىندەتتى الەۋمەتتىك مەديتسينالىق ساقتاندىرۋ اياسىنداعى دارىلىك زاتتاردىڭ ءتىزىمى قازاقستان رەسپۋبليكاسى دەنساۋلىق ساقتاۋ ءمينيسترىنىڭ ءتيىستى بۇيرىعىمەن بەكىتىلدى.

الەۋمەتتىك مەديتسينالىق ساقتاندىرۋ قورى 2018 -جىلدىڭ 1-قاڭتارىنان باستاپ مەديتسينالىق قىزمەتتەردى تولەۋ بويىنشا قارجى وپەراتورى ەكەندىگىن ايتا كەتكەن ءجون.

- «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 88-بابىنا سايكەس ق ر ازاماتتارى دەنساۋلىق ساقتاۋ ءمينيسترىنىڭ بۇيرىعىمەن بەكىتىلگەن تىزبەگە سايكەس ت م ك ك ك شەڭبەرىندە دارىلىك زاتتار مەن مەديتسينالىق ماقساتتاعى بۇيىمدارمەن، ونىڭ ىشىندە امبۋلاتورلىق دەڭگەيدەگى ازاماتتاردىڭ جەكەلەگەن ساناتتارى، قامتاماسىز ەتىلۋگە قۇقىلى، -  دەپ ءا م س ق استانا قالاسى بويىنشا فيليالى ديرەكتورىنىڭ ورىنباسارى ا. امانگەلديەۆ اتاپ ءوتتى.

ءدارى-دارمەكتەر ديسپانسەرلىك ەسەپتە تۇرعان، سونىمەن قاتار ستاتسيوناردا تەگىن ەم قابىلدايتىن پاتسيەنتتەر ءۇشىن ساتىپ الىنادى. ساتىپ الىناتىن تىزىمگە 1144 پرەپاراتتار كىرەدى، ولاردىڭ 829 دارىلىك زاتتار جانە 315 -  مەديتسينالىق ماقساتتاعى بۇيىمدار. الدىڭعى جىلعا قاراعاندا، بيىل امبۋلاتورلىق دەڭگەيدە قامتاماسىز ەتىلەتىن ءدارى-دارمەكتەردىڭ ءتىزىمى كەڭەيتىلدى. اۋرۋدىڭ 45 ءتۇرى بويىنشا ديسپانسەرلىك ەسەپتە تۇرعان پاتسيەنتتەر(ەمدەلۋشىلەر) ءۇشىن دارىلىك زاتتاردىڭ 550 دەن استام اتاۋى ساتىپ الىنادى.

وتكەن جىلى ءدال وسىنداي ماقساتتا 482 اتاۋمەن ءدارى- دارمەكتەر ساتىپ الىنعان. تەگىن ءدارى- دارمەكتەردى جىبەرۋگە ارنالعان رەتسەپتىنى ۋچاسكەلىك نەمەسە ماماندىرىلعان دارىگەر نۇسقاۋ بويىنشا بەرەدى. ارنايى فورمانى تولتىرۋ ءۇشىن پاتسيەنتتىڭ جەكە قۇجاتى كەرەك. ءدارى- دارمەكتەر مەملەكەت ەسەبىنەن ناقتى رەتسەپت بويىنشا بەلگىلى ءدارىحانادا بەرىلەدى. ءدارىحانانىڭ مەكەن-جايىن ازامات ءوزى تىركەلگەن ەمحانادان الا الادى.

بارلىق ءدارى-دارمەكتەر تەگىن بەرىلمەيتىنىن اتاپ ءوتۋ كەرەك. ەگەر دە ناۋقاسقا قاجەت ءدارى-دارمەك تىزىمدەبولماسا، ونى ول اقىلى تۇردە الۋعا ءتيىس. كەپىلدەندىرىلگەن تەگىن مەديتسينالىق كومەك كولەمى شەڭبەرىندە ءدارى- دارمەكتەردى الۋ بارىسىندا سىزدەن پرەپاراتتى اقىلى تۇردە الۋدى تالاپ ەتسە نەمەسە ءدارىنى بەرۋدەن باس تارتسا، ءسىز ءوزىڭىز تىركەلگەن ەمحانانىڭ باسشىلىعىنا، تۇرعىلىقتى مەكەن-جايىڭىز بويىنشا جەرگىلىكتى ۋاكىلەتتى مەملەكەتتىك ورگاندارعا نەمەسە دەنساۋلىق ساقتاۋ مينيسترلىگىنىڭ فارماتسيا كوميتەتىنىڭ دەپارتامەنتىنە ءوتىنىش بەرە الاسىز.

استانا قالاسى بويىنشا الەۋمەتتىك مەديتسينالىق ساقتاندىرۋ قورى تۇرعىندارعا ت م ك ك ك شەڭبەرىندە مەديتسينالىق قىزمەت كورسەتىن 79 مەديتسينالىق مەكەمەمەن كەلىسىمشارت بەكىتتى. ولاردىڭ 36 سى مەملەكەتتىك جانە 43 ى جەكەمەنشىك مەكەمە.

 

www.aikyn.kz