الماتىدا ادامنىڭ ءتۇر-ءتۇسىن انىقتايتىن كامەرا ورناتىلادى
بۇل تۋرالى «قاۋىپسىزدىكتى سيفرلاندىرۋ» تاقىرىبىندا وتكەن IT- قوعىمداستىعى مەن قالالىق ءى ءى د- نىڭ باسقوسۋىندا ايتالدى، دەپ حابارلايدى قازاقپارات ءتىلشىسى.
«سەرگەك» كومپانياسىنىڭ وكىلدەرى قالا اكىمشىلىگىمەن پيلوتتىق جوبانى جۇزەگە اسىرۋدا ءوزارا كەلىسىمگە كەلۋدە.
«ءبىز «سەرگەك» باقىلاۋ كامەرالارىن ورناتۋ جوباسىن ەنگىزگىمىز كەلەدى. بۇل ءىستى ءبىر ايدىڭ ىشىندە تىندىرا الامىز. پانفيلوۆ كوشەسىنىڭ بويىندا ءبىر عانا قوعامدىق بەينە باقىلاۋ ورناتىلعان. ول جەرگە ادامداردىڭ ءتۇر- ءتۇسىن انىقتايتىن فۋنكسياسى بار كامەرا ورناتقىمىز كەلەدى. اكىمشىلىكپەن سوزبە-ءسوز كەلىسىمگە كەلدىك، ەندى ءى ءى د- مەن بۇل ماسەلەنى پىسىقتاپ جاتىرمىز. شارۋا بەكىتىلسە اتقارۋعا دايىنبىز»، - دەدى Sergek كومپانياسىنىڭ وكىلى قايرات احمەتوۆ.
وسىعان ۇقساس جۇيە استانادا ەندىگى ىسكە قوسىلعان. سونداي-اق تۇرمىستىق زاتتار دۇكەنىمەن بىرىگىپ ۇرىلار تىركەلگەن ورتاق بازا جاسالادى. جاڭا جوبا ساۋدا ۇيلەرىنىڭ كىرەبەرىسىندە ۇرىلاردى جازباي تانۋعا كومەگىن تيگىزبەك.
