سەۋلدە ورتالىق ازيا ەلدەرىنىڭ ماسەلەسى تالقىلانباق
بۇل تۋرالى وڭتۇستىك كورەيانىڭ سىرتقى ساياسات ۆەدومستۆوسىنان بەلگىلى بولدى، دەپ حابارلايدى حابار 24.
جيىنعا دايىندىق ءۇشىن قازاقستان، قىرعىزستان، تاجىكستان، تۇرىكمەنستان جانە وزبەكستان مينيسترلىكتەرى مەن ۆەدومستۆولارىنان 5 وكىلدەن شاقىرىلعان.
ءبىزدىڭ ەلدەن وعان ەنەرگەتيكا جانە اۋىل شارۋاشىلىق مينيسترلىگىنىڭ قىزمەتكەرلەرى قاتىسۋدا. قوناقتارعا ەكولوگيانى جاقسارتۋ بويىنشا نوۋ-حاۋ كورسەتىلىپ، قازاقستاندىقتار ورتالىق-ازيالىق ارىپتەستەرمەن بىرگە قوقىستى قايتا وڭدەۋ الاڭىن كوردى. مۇندا سەۋلدەن كۇن سايىن 18 مىڭ تۇرمىستىق قوقىس اكەلىنەدى. ولار تيىسىنشە بولشەكتەلىپ تازارتىلادى. ءسويتىپ، اۋىز سۋ، مال ازىعى جانە قالالىق اۆتوبۋستار پايدالاناتىن گاز سياقتى زاتتار الىنادى. وسىمەن قاتار دەلەگاتسيالار ەكولوگيالىق زەرتتەۋلەر جونىندەگى ۇلتتىق ينستيتۋتتا بولدى. بۇل مەكەمە اۋاعا زياندى قالدىقتار شىعارمايتىن جانە كۇن باتارەيالارى ارقىلى ءوزىن ەلەكترمەن قامتاماسىز ەتەتىن عيماراتتا ورنالاسقان.
«سەۋلدەگى 5 مەملەكەت سىرتقى ىستەر مينيسترلەرى كەزدەسۋىنىڭ باستى تاقىرىبى - سۋ قورلارىن ءتيىمدى پايدالانۋ جانە ارال تەڭىزىن قۇتقارۋ. سوندىقتان سۋدى تازارتۋ بويىنشا نوۋ-حاۋمەن تانىستىرۋ ءۇشىن وسى سالانىڭ ماماندارىن شاقىردىق. سونداي-اق ءبىز ورتالىق ازيا ەلدەرى وكىلدەرى كورەيلىك ارىپتەستەرىمەن تانىسىپ، تاجىريبە الماسسا دەپ ەدىك»، - دەدى ورتالىق ازيا ىنتىماقتاستىعى فورۋمى حاتشىلىعىنىڭ اتقارۋشى ديرەكتورى كيم سونگ ين.
