ءانشى ديماشتىڭ ەسىمىمەن ارنايى شاي شىعارىلدى

الماتى. قازاقپارات - بەلگىلى ءانشى ديماش قۇدايبەرگەننىڭ ەسىمىمەن جاڭا شاي شىعارىلا باستادى.

قوراپتىڭ سىرتىندا ءانشىنىڭ سۋرەتى دە بەينەلەنگەن، دەپ حابارلايدى قازاقپارات ءتىلشىسى.

جاڭا برەندتى ديماش Dida Capital Partners كومپانياسىمەن بىرلەسىپ جۇزەگە اسىردى.

قازىر الەۋمەتتىك جەلىلەردە تانىمال تۇلعانىڭ ونەردەگى دوستارى مەن جاقىندارى شايدىڭ تۇساۋكەسەرى ساتىنەن سۋرەتتەرىن جارىسا جاريالاپ جاتىر. ولار تىلەكتەرى مەن قۇتتىقتاۋلارىن Dimash tea حەشتەگىن بەلگىلەپ، بولىسۋدە.

قۋانىشقا ديماشتىڭ جاقىندارى كوپتەپ جينالعان. ولاردىڭ ىشىندە ءانشىنىڭ اتا-اناسىنان باستاپ،  ۇلىقپان جولداسوۆ، دانەليا تۋلەشوۆا، جانار ايجانوۆا سىندى ونەر جۇلدىزدارى بار.

الماتىدا ءوتىپ جاتقان تۇساۋكەسەر كەشىنە ءانشىنىڭ ءوزى دە ارنايى كەلگەن.

ەسكە سالايىق، ديماش قۇدايبەرگەن وتكەن جىلى قىتايدىڭ «Singer2017» ءان بايقاۋىنا قاتىسىپ 2-ورىندى جەڭىپ الدى. سونداي-اق، وتانداسىمىزدىڭ ەرەكشە داۋىسى قىتايلىق تىڭدارمانداردىڭ جۇرەگىن جاۋلاپ، از ۋاقىتتا سول ەلدەگى ەڭ تانىمال انشىگە اينالدى.