ەلىمىزدە بيداي باعاسى ءوسۋى مۇمكىن
ءومىرزاق شۇكەيەۆتىڭ ايتۋىنشا، ءداندى داقىلداردى جيناۋ جۇمىستارى جالعاسۋدا. اسىرەسە اقتوبە، الماتى، باتىس قازاقستان، پاۆلودار، قىزىلوردا مەن شىعىس قازاقستان وبلىستارىندا جۇمىستىڭ قىزعان شاعى. جامبىل وبلىسى مەن تۇركىستان وڭىرىندە ەگىن جيناۋ جۇمىستارى اياقتالعان. وسى وڭىرلەر بويىنشا ورتاشا تۇسىمدىلىك گەكتارىنا 21 تسەنتنەردى قۇرادى. سونداي- اق ۆەدومستۆو باسشىسى «بىلتىر بولعان ولقىلىقتاردىڭ الدىن الىپ جاتىرمىز» دەپ سەندىردى. سەبەبى وتكەن جىلى بيداي تاسيتىن ۆاگونداردىڭ جەتىسپەۋشىلىگى بايقالعان. سوندىقتان بيىل مەملەكەتتىك ورگاندارمەن بىرلەسىپ، لوگيستيكا ماسەلەلەرىن شەشۋ جوسپارلانىپ وتىر.
ءومىرزاق شۇكەيەۆ، ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى: - ارزانداتىلعان جانار- جاعارماي باعاسى نارىق باعاسىنان تومەن بولعانىمەن، وپەراتورلاردىڭ قىزمەتىنە بايلانىستى سوڭعى باعا جوعارى كۇيىندە قالىپ وتىر. وڭىرلەردىڭ اكىمدىكتەرى وزدەرىنىڭ وپەراتورلارىمەن باعانى تومەندەتۋ تۋراسىندا جۇمىس جۇرگىزۋى قاجەت. ەگىن جيناۋ جۇمىستارىن دەر كەزىندە جۇرگىزۋ ءۇشىن اۋىل شارۋاشىلىعى تاۋارلارىن وندىرۋشىلەرگە 394 مىڭ توننا ارزانداتىلعان جانار- جاعارماي ءبولىندى. شىلدە ايىنا بولىنگەن كولەمدى وڭىرلەر نەگىزىنەن تولىقتاي الدى. تامىز ايىنا ارنالعان جانار- جاعارماي كولەمى 110 مىڭ توننا ءۇشىن اقى تولەندى. الايدا رەسۋرس ۇستاۋشىلار تاراپىنان اتالعان كولەمدى تيەپ، جونەلتۋ ماسەلەسى ورىن الىپ وتىر.
www.24.kz
