عالىمدار: كونتاكتىلى لينزالار مۇحيت پەن توپىراقتى ۋلاۋدا

 استانا. قازاقپارات - ا ق ش حيميكتەرى 45 ميلليونعا جۋىق امەريكالىقتىڭ جىل سايىن كارىزگە 10 توننا كونتاكتىلى لينزا تاستايتىنى تۋرالى ەسەپ جاريالادى.

اعىن سۋ ارقىلى وزەندەر مەن مۇحيتقا اعىپ كەلەتىن شاعىن پلاستماسسالار كەيىنىرەك ءىرى وبەكتىلەردى قۇرايدى. ال ۋىتتى پلاستيكالار تەڭىزدە ءومىر سۇرەتىن بالىق، يتبالىق سەكىلدى جانۋاردىڭ اس قورىتۋ مۇشەسىنە تۇسەدى.

عالىمدار جىل سايىن ا ق ش تۇرعىندارى قولداناتىن 3 ميللياردقا جۋىق لينزانىڭ جاعالاۋلاردىڭ ەكوجۇيەسىن ۋلاپ، ءتىرى ورگانيزمدەردىڭ كەيبىر تۇرلەرىنىڭ كوبەيۋىنە اسەر ەتەتىنىن انىقتادى. ولاردىڭ سوزىنشە، لينزالار قورشاعان ورتانى قورعاۋ قىزمەتتەرىنە كوپ قيىندىق تۋدىرۋدا.

سونىمەن قاتار، عالىمدار ۋلى زاتتاردى شىعاراتىن كەيبىر پلاستيكالىق لينزالار توپىراققا ەنەتىن كەزدە، مۇحيتقا تۇسپەي تۇرىپ توپىراق پەن سۋدى ۋلايدى دەيدى. ال، توپىراق مەن سۋداعى ۋلى زات ادامدار مەن جانۋارلاردىڭ دەنساۋلىعىنا تىكەلەي اسەر ەتىپ، زيان كەلتىرەدى.

 

Stan.kz