قازاقستاننىڭ قانداي تاۋارلارى شەتەلدە سۇرانىسقا يە
«تاۋارلاردى ەكسپورتتاۋ گەوگرافياسى كەڭەيىپ، قازىرگى ۋاقىتتا 123 ەلگە 800-گە جۋىق تاۋار ءتۇرى ەكسپورتتالادى. كەيبىر تاۋار تۇرلەرىن ەكسپورتتايتىن جاڭا وتكىزۋ نارىقتارى اشىلدى. مىسالى، 2018 -جىلى ءبىز ماشينا جاساۋ ونىمدەرىن جانە قۇرىلىس ماتەريالدارىن وزبەكستانعا، حيميا ونىمدەرىن ۋكرايناعا جەتكىزۋدى باستادىق»، - دەدى ج. قاسىمبەك.
ونىڭ اتاپ وتۋىنشە، ازىق- تۇلىك ونەركاسىبىنىڭ ونىمدەرى شەتەلدەردە ۇلكەن سۇرانىسقا يە. ەكسپورتتىڭ سومالىق كولەمى 112 ميلليون ا ق ش دوللارىن قۇرادى. اتاپ ايتقاندا، يرانعا، باحرەينگە ەت ونىمدەرىن جەتكىزۋ باستالدى، رەسەيگە ەت ونىمدەرى، مال جانە وسىمدىك مايلارى، قىتايعا وسىمدىك مايى، وزبەكستانعا قانت ەكسپورتى ارتتى.
«بۇعان ساۋدا ميسسيالارىن جانە وتاندىق ءونىمدى ىلگەرىلەتۋ بويىنشا جارناما- تانىستىرۋ شارالارىن ۇيىمداستىرۋ سياقتى ەكسپورتتاۋشىلارعا سەرۆيستىك قولداۋ كورسەتۋ ايتارلىقتاي وڭ اسەرىن تيگىزدى»، - دەدى مينيستر.
اۆتور: رۋسلان عابباسوۆ
