ۋكراينادا نۇرسۇلتان نازاربايەۆ تۋرالى كىتاپ جارىق كورەدى
«نۇرسۇلتان ءابىش ۇلى ۋكراينانىڭ تاۋ- كەن سالاسى بويىنشا ءبىلىم الدى. سودان بەرى 60 جىل دا ءوتتى. ءبىز وسى تاريحي ساتتەردى جاقسى بىلەمىز ءارى قۇرمەتپەن قارايمىز. ماسەلەن، بۇرىنعى دنەپرودزەرجينسك، قازىرگى كامەنسكي قالاسىندا ارنايى مۇراجاي دا بار. مەن جاڭا عانا پرەزيدەنتپەن كەزدەسكەندە ارنايى كىتاپتى دايىنداپ جاتقانىمىزدى جەتكىزدىم. وندا نۇرسۇلتان ءابىش ۇلىنىڭ ۋكراينادا وتكىزگەن ۋاقىتى جايىندا باياندالادى. جالپى، ونىڭ مەملەكەت باسشىسى ءارى بىتىمگەر رەتىندە قازىرگى قىزمەتى جان- جاقتى كورسەتىلەدى»، - دەدى ي. كۋلەبا جۋرناليستەرگە بەرگەن سۇحباتىندا.
ايتا كەتەيىك، بۇگىن اقوردادا ق ر پرەزيدەنتى نۇرسۇلتان نازاربايەۆ بەس ەلدىڭ ەلشىسىنەن سەنىم گراموتالارىن قابىلدادى. سول جەردە مەملەكەت باسشىسى ەل ەكونوميكاسىنىڭ دامۋى تۋرالى ايتىپ بەردى.
اۆتور: ارمان اسقاروۆ
