نۇرلان ەرمەكبايەۆ قورعانىس ءمينيسترى لاۋازىمىنداعى مىندەتى تۋرالى ايتىپ بەردى
«مەن ازاماتتىق قورعانىس ءمينيسترىمىن، اسكەري كيىمدى اسكەري جاتتىعۋ كەزىندە كيەمىن. بۇل وتە جاۋاپتى ءارى سالماقتى قىزمەت. دايارلىقتىڭ دەڭگەيى جوعارى. ونى ارى قاراي دامىتاتىن بولامىز. ماتەريالدىق- تەحنيكالىق قامتاماسىز ەتۋ تۇرعىسىنان شەشىلمەگەن ماسەلەلەر بار. جالپى، قارۋلى كۇشتەردىڭ دايارلىعى مەن جۇمىسى وتە دۇرىس جولعا قويىلعان. ول ءساتتى دامىپ كەلەدى. اتالمىش جۇمىستى جالعاستىراتىن بولامىز. ساباقتاستىق قاعيداتى ساقتالادى. باستالعان ءىس جالعاسىن تابادى»، - دەدى ۇكىمەت وتىرىسىنان كەيىن تىلشىلەردىڭ سۇراعىنا جاۋاپ بەرگەن مينيستر.
جاڭا مينيستر سونىمەن بىرگە، قازاقستاندىق ارمياداعى الىمجەتتىك تۋرالى دا ويىمەن ءبولىستى.
«قارۋلى كۇشتەردەگى الىمجەتتىك سيرەك كەزدەسەدى. بۇرىنعى ۋاقىتتان جانە باسقا ەلدەردەن قاراعاندا سيرەك. تاربيە جۇمىسى بۇرىنعىشا جالعاسىن تاۋىپ، جارعىدان تىس قارىم- قاتىناستار از»، - دەيدى ول.
ەسكە سالا كەتسەك، مەملەكەت باسشىسىنىڭ جارلىعىمەن نۇرلان بايۇزاق ۇلى ەرمەكبايەۆ قازاقستان رەسپۋبليكاسىنىڭ قورعانىس ءمينيسترى بولىپ تاعايىندالعان بولاتىن.
اۆتور: ايان بەكەن ۇلى
