13:49, 22 - تامىز 2018 | GMT +5
تالدىقورعاندا يمامدار جۇگىرۋدەن جارىستى
استانا. قازاقپارات - قۇربان ايتتىڭ العاشقى كۇنى تالدىقورعاندىق يمامدار جۇگىرىپ جارىستى، دەپ جازادى قازاقپارات.
تالدىقورعاندا 150-دەن اسا تۇرعىن جۇگىردى. توپتى قالاداعى وكىل يمام ارداق ءنۇسىپحان ۇلى باستادى.
جۇگىرۋشىلەر 4 شاقىرىم جەردى ءجۇرىپ ءوتتى. 19 جاستاعى ەراسىل مۇقاتاي ءبىرىنشى بولىپ كەلىپ، شيپاجايعا جولداما ۇتىپ الدى. مارافونعا قاتىسقان ون شاقتى يمامنىڭ ماقساتى - تۇرعىنداردى سپورتپەن اينالىسۋعا شاقىرۋ.
بۇدان بىلاي قاساپشىلار مال سويىپ جارىستى. ايىرماس مۇرات ەسىمدى قاساپشى 20 مينۋتتىڭ ىشىندە ءبىر قويدى سويىپ، جىلىكتەپ تاستادى.
