الاكولگە جەتەتىن كول جوق - روزا رىمبايەۆا
وتاندىق تۋريزمدى قولداپ، الاكولدە دەمالۋدى داستۇرگە اينالدىرعان قازاقستاننىڭ ەڭبەك سىڭىرگەن ءارتىسى كولدىڭ شيپالى سۋىنا ءتانتى ەكەنىن جەتكىزدى. ول الاكولدىڭ جاعالاۋىندا تۇرىپ، ارنايى ۆيدەوجازبا ارقىلى دەمالىستان العان اسەرىمەن ءبولىستى.
«قادىرلى قاۋىم. مەن الاكولدىڭ جاعاسىندا تۇرمىن. ءبىر جۇما دەمالىپ، كۇش جيناپ، الماتىعا قايتايىن دەپ تۇرمىن. الاكولگە كەلىڭىزدەر، بۇل ءبىزدىڭ قازاعىمىزدىڭ بايلىعى. الاكولگە جەتەتىن سۋ جوق. كول جوق. تەڭىز جوق. بۇل جەر اۋىل. تسيۆيليزاتسيادان دەم الىپ، اۋىلدىڭ ءتۇتىنىن، اۋىلدىڭ شاڭىن، اۋىلدىڭ اۋاسىن جۇتىپ، كۇش جيناپ، الماتىعا قايتىپ بارامىن. الاكولگە كەلىڭىزدەر، راحاتىن كورىڭىزدەر»، - دەدى روزا رىمبايەۆا.
ال الاكول اۋدانى اكىمىنىڭ باسپا ءسوز حاتشىسى ايجان يماناسوۆا روزا رىمبايەۆا جىلدا الماتى وبلىسىنداعى الاكول جاعالاۋىندا دەمالاتىنىن جەتكىزدى.
«تانىمال ءانشى روزا رىمبايەۆا بيىل 15-تامىزدان باستاپ دەمالدى. ۇلى ءالي دە ءبىر اي بۇرىن عانا كولگە كەلگەن بولاتىن. نەگىزىنەن روزا رىمبايەۆا ءبىزدىڭ اۋداننىڭ كەلىنى عوي. مارقۇم تاسقىن وقاپوۆ جايپاق اۋىلىنىڭ تۋماسى. سوندىقتان دا بولار، روزا حانىم جىلدا الاكول اۋدانىنا كەلىپ، جەرگىلىكتى تۇرعىندارعا كونسەرتىن قويىپ، حالىقتى شات-شادىمان كوڭىلگە بولەپ، قۋانتىپ تۇرادى»، - دەدى ايجان يماناسوۆا.
جالپى الاكول اۋدانى باسشىلارىنىڭ مالىمەتىنشە، ءقازىردىڭ وزىندە كولگە كەلگەن دەمالۋشىلار سانى 1 ميلليوننان اسقان.
